منیلا: فلپائن میں منشیات فروشی اور اسمگلنگ کے الزام میں خاتون سابقہ ماڈل گرفتار ہوگئی۔
غیرملکی خبررساں ادارے کی رپورٹ کے مطابق 24 سالہ چارلینا نامی ماڈل مقبول ترین میگزین ’ایف ایم ایچ‘ کے لیے ماڈلنگ اور فوٹو شوٹ کرتی تھی جسے پولیس نے ڈرگ فروخت کرنے کے الزام میں کرفتار کیا ہے۔
انسداد منشیات کے حوالے سے قائم کیے گئے ادارے کی جانب سے کامیاب کارروائی کی گئی جس کے نتیجے میں ملزمہ کی گرفتار عمل میں آئی، ماڈل صوبہ ریزائل سمیت ملک کے مختلف علاقوں میں منشیات کا دھندا کرتی تھی۔
ترجمان پولیس کا کہنا ہے کہ منیلا میں خاتون سمیت اس کے ایک ساتھی کو رنگے ہاتھوں گھر سے گرفتار کیا گیا جن کے قبضے سے 1 ہزار پاؤنڈ مالیت کی منشیات برآمد ہوئی، اس دوران ڈرگ استعمال کیے جانے والے آلات بھی برآمد ہوئے ہیں۔
متعلقہ ادارے کے مطابق خاتون نے 2013 میں ایف ایم ایچ کے لیے ماڈلنگ کی جس کے بعد ذاتی وجوہات کی بنیاد پر ادارہ اور ماڈلنگ سے راہیں جدا کرلیں، ملزمہ کے خلاف مقدمہ درج کرکے قانونی کارروائی کا آغاز کردیا گیا ہے۔
دریں اثنا ایک اور کارروائی کے نتیجے میں ملزمہ کا ڈرگ سپلایئر بھی گرفتار ہوا جس کے قبضے سے تقریباً 5 پاؤنڈ مالیت کی منشیات برآمد ہوئی ہے۔
