The news is by your side.

Advertisement

یوم سیاہ پر لندن میں بھارتی ہائی کمیشن کے سامنے احتجاج ، تیاریاں مکمل

لندن: یوم سیاہ کے موقع پرلندن میں بھارتی ہائی کمیشن کے سامنے احتجاج کی تیاریاں مکمل کرلی گئی ہے ، مظاہرے سے زلفی بخاری، شیخ رشید ، لارڈ نذیر احمد اور دیگرخطاب کریں گے۔

تفصیلات کے مطابق بھارت کے یوم آزادی پر دنیا بھر میں پاکستانی آج یوم سیاہ منارہے ہیں ، یوم سیاہ کے موقع پر مقبوضہ کشمیر میں مظالم کیخلاف لندن میں بھارتی ہائی کمیشن کے سامنے احتجاج کی تیاریاں مکمل ہے، برطانیہ کے طول و عرض سے مظاہرین لندن پہنچیں گے، پولیس کی بھاری نفری بھی علاقے میں تعینات ہو گی۔

شیخ رشید لندن میں بھارتی سفارتخانے کے باہرمظاہرے میں شریک کے لئے پہنچ گئے ہیں ، مظاہرے سے زلفی بخاری، لارڈ نذیر احمد اور دیگرخطاب کریں گے۔

دوسری جانب رات گئے لندن کی سڑکوں پر پاکستانی پرچموں کی بہار آگئی ، گرین اسٹریٹ، الفرڈلین اورساؤتھ آل میں یوم آزادی کا جشن منایا گیا ، شرکا کا کہنا تھا کہ جشن آزادی کی خوشیوں میں مقبوضہ کشمیر کو نہیں بھولیں گے، نوجوان بھارتی سفارتخانے کے باہراحتجاج میں شریک ہوں گے۔

مزید پڑھیں : لندن میں بھارتی ہائی کمیشن کے سامنے آج احتجاجی مظاہرہ کیا جائے گا، زلفی بخاری

یاد رہے وزیراعظم عمران خان کے معاون خصوصی زلفی بخاری کا کہنا تھا کہ برطانیہ میں بھارت کے یوم آزادی کے موقع پر بحیثیت پاکستانی یوم سیاہ منایا جائے گا، برطانیہ میں مقیم کمیونٹی بھارتی ہائی کمیشن کے سامنے پہنچے، مظاہرے میں کسی سیاسی جماعت کا جھنڈا نہیں ہونا چاہیے۔

انھوں نے کہا تھا پاکستان کا کردار آنے والے سالوں میں بہت اہم ہو گا، نریندرمودی ہمارے دورہ امریکا سے گھبرا گیا تھا، آج دنیا بھرمیں بھارت کے خلاف مظاہرے ہوں گے۔

زلفی بخاری نے تمام پاکستانی اور کشمیری نوجوانوں سے اپیل کی کہ آج یکجہتی کا بھرپور مظاہرہ کریں اور مظاہرین کی مہمان نوازی کریں، مظاہرے میں انسانی حقوق پر یقین رکھنے والے بھارتی شہری اور دیگر مذاہب کے لوگ بھی شریک ہوں۔

واضح رہے بھارت کی جانب سے مقبوضہ کشمیر کی خصوصی حیثیت ختم کرنے اور مقبوضہ وادی میں بھارتی فوج کے مظالم کے خلاف قومی سلامتی کمیٹی کے اجلاس میں فیصلہ کیا تھا کہ 15 اگست کو بھارت کا یوم آزادی یوم سیاہ کے طور پر منایا جائے گا۔

Comments

comments

یہ بھی پڑھیں