مایہ ناز آل راؤنڈر شاہد خان آفریدی نے اپنی ٹیم کوئٹہ گلیڈی ایٹرز کو پی ایس ایل 7 کی پہلی کامیابی پر مبارکباد پیش کی ہے۔
شاہد خان آفریدی کورونا مثبت آنے کی وجہ سے سات روزہ آئیسولیشن میں ہیں اور وہ پہلے میچ کے لیے ٹیم کو دستیاب نہیں تھے۔
ٹوئٹر پر جاری ویڈیو پیغام میں شاہد آفریدی نے ٹیم کو مبارکباد پیش کرتے ہوئے نسیم شاہ کی شاندار بولنگ پر ان کی تعریف کی۔
انہوں نے کہا کہ ٹیم نے اچھا آغاز کیا ہے زبردست کھیل پیش کیا، اگرچہ بولرز کو پچ سے کچھ مشکلات کا سامنا ضرور ہے لیکن نسیم شاہ نے شاندار بولنگ کی، انہیں ٹی ٹوئٹی کی کیریئر بیسٹ بولنگ پر مبارک ہو۔
"Naseem Shah, very well done boy!"@SAfridiOfficial has a very special message for #PurpleForce and Sir @ivivianrichards 👇#WeTheGladiators #AikBaarPhir pic.twitter.com/pWTFimH7BD
— Quetta Gladiators (@TeamQuetta) January 30, 2022
کوئٹہ گلیڈی ایٹرز کے منٹور سر ویون رچرڈز کے ٹیم کو جوائن کرنے پر آفریدی نے کہا کہ لیجنڈ کی شمولیت ٹیم کے لیے خوش آئند ہے اس سے کھلاڑیوں کی حوصلہ افزائی ہوگی۔
واضح رہے کہ کوئٹہ گلیڈی ایٹرز نے کراچی کنگز کو باآسانی شکست دے کر ایونٹ میں پہلی کامیابی حاصل کی اور آج اس کا ٹاکرا ملتان سلطانز سے ہو گا۔
