لاہور: ایچ بی ایل پاکستان سپر لیگ 9 کے چوتھے میچ میں آج دفاعی چیمپیئن لاہور قلندرز اور کوئٹہ گلیڈی ایٹرز کی ٹیمیں ٹکرائیں گے۔
اے آر وائی نیوز کے مطابق ایچ بی ایل پاکستان سپر لیگ سیزن 9 کے سنسنی خیز مقابلے جاری ہیں۔ آج ایونٹ کا چوتھا میچ کھیلا جائے گا اور لاہور کے قذافی اسٹیڈیم میں دفاعی چیمپئن لاہور قلندرز اور کوئٹہ گلیڈی ایٹرز کے درمیان مقابلہ ہوگا۔
پشاور کو جہاں گزشتہ میچ میں کوئٹہ گلیڈی ایٹرز کے ہاتھوں شکست کا سامنا کرنا پڑا وہیں لاہور قلندرز کو گزشتہ میچ میں اسلام آباد یونائیٹڈ نے با آسانی قابو کیا۔
گلیڈی ایٹرز نے اپنے پہلے میچ میں پشاور زلمی کو 16 رنز سے شکست دی جبکہ لاہور قلندرز کو افتتاحی میچ میں 8 وکٹ سے ناکامی کا سامنا کرنا پڑا تھا۔
واضح رہے کہ دونوں ٹیمیں شام 7 بجے قذافی اسٹیڈیم میں ٹکرائیں گی۔ پی ایس ایل 9 کے تمام میچز اے اسپورٹس پر براہ راست دکھائے جا رہے ہیں۔
