راولپنڈی: موسلادھار بارش کے باعث اسلام آباد یونائیٹڈ اور پشاور زلمی کا میچ منسوخ کر دیا گیا۔
تفصیلات کے مطابق مسلسل بارش اور گیلے گراؤنڈ کی وجہ سے میچ منسوخی کا اعلان کردیا گیا، پشاور زلمی اور اسلام آباد یونائیٹڈ کو ایک ایک پوائنٹ دے دیا گیا ہے۔
محکمہ موسمیات نے جمعہ اور ہفتہ کے روز بارش کی پیشگوئی کی تھی اور امکان یہی تھا کہ آج کا میچ بارش سے متاثر ہوگا۔
گزشتہ روز لاہور قلندرز اور پشاور زلمی کے مابین میچ بارش کے باعث 12 اوورز تک محدود کر دیا گیا تھا اور اس میچ میں زلمی نے فتح حاصل کی تھی۔
اسلام آباد یونائیٹڈ اور پشاور زلمی کے پانچ پانچ میچز کے بعد پوائنٹس کی تعداد پانچ پانچ ہوگئی ہے، اسلام آباد یونائیٹڈ اتوار کو کراچی کنگز کے خلاف اپنا اگلا میچ کھیلی گی جب کہ پشاور زلمی پیر کے روز کراچی کنگز سے مدمقابل ہوگی.
Comments
- Advertisement -
