پی ایس ایل 9 کے 21ویں میچ میں پشاور زلمی نے ملتان سلطانز کو 4 رنز سے شکست دے دی۔
راولپنڈی میں کھیلے گئے میچ میں پشاور زلمی کی جانب سے دیے گئے 205 رنز کے تعاقب میں ملتان سلطانز کی ٹیم 5 وکٹوں کے نقصان پر 200 رنز بناسکی۔
افتخار احمد کی 60 رنز کی اننگز رائیگاں گئی، کپتان محمد رضوان 32 اور کرس جارڈن 30 رنز بناسکے۔
عامر جمال نے دو کھلاڑیوں کو پویلین کی راہ دکھائی، مہران ممتاز اور نوین الحق نے ایک، ایک وکٹ حاصل کی۔
اس سے قبل پشاور زلمی نے مقررہ اوورز میں 5 وکٹوں کے نقصان پر 204 رنز بنائے اور سلطانز کو جیت کے لیے 205 رنز کا ہدف دیا تھا۔
View this post on Instagram
کپتان بابر اعظم نے شاندار 64 رنز کی اننگز کھیلی، صائم ایوب بھی 46 رنز بنا کر نمایاں رہے۔
ٹام کوہلر کیڈ مور 5 رنز بنا کر آؤٹ ہوئے، حسیب اللہ خان 31 رنز بنا کر جارڈن کو وکٹ دے بیٹھے،
رومن پاول نے 23 رنز بنائے جبکہ عامر جمال 12 رنز کے ساتھ ناٹ آؤٹ رہے۔
View this post on Instagram
سلطانز کی جانب سے اسامہ میر نے تین کھلاڑیوں کو پویلین کی راہ دکھائی، کرس جارڈن نے دو وکٹ حاصل کی۔
View this post on Instagram
پشاور زلمی کے کپتان بابر اعظم نے ٹاس جیت کر محمد رضوان الیون کو پہلے بیٹنگ کی دعوت دی تھی۔
پشاور زلمی نے ٹیم میں حسیب اللہ، آصف علی، نوین الحق کی واپسی ہوئی ہے جبکہ مہران ممتاز کو ڈیبیو کروایا جارہا ہے۔
ملتان سلطانز کی ٹیم میں عثمان خان کی جگہ ڈیوڈ ملان کو شامل کیا گیا ہے, آفتاب ابراہیم بھی ٹیم میں شامل ہیں۔
View this post on Instagram
ملتان سلطانز 7 میں 6 میچ جیت کر فائنل فور میں جگہ بناچکے ہیں۔
باہمی مقابلوں میں ملتان سلطانز کو برتری حاصل ہے، 14 میں سے 10 میچ جیتے ہیں، پہلے مرحلے میں زلمی نے ملتان کو 5 رن سے شکست دی تھی۔
