اسلام آباد: پی ٹی سی ایل کی جانب سے ٹیلی نار اور ذیلی کمپنی کے 100 فیصد شیئر ہولڈنگ خریدنے کی درخواست کی گئی ہے۔
مسابقتی کمیشن میں پی ٹی سی ایل اور ٹیلی نار انضمام کی درخواست پر سماعت ہوئی، اس موقع پر پی ٹی سی ایل نے سیلولر سروس فراہم کرنے والی کمپنی ٹیلی نار اور ذیلی کمپنی کے 100 فیصد شیئر ہولڈنگ خریدنے کی درخواست کی، وکیل نے مرجر کے ممکنہ فوائد بھی بتادیے
سینئر وکیل راحت کونین نے پی ٹی سی ایل کی نمائندگی کی، راحت کونین نے پی ٹی سی ایل اور ٹیلی نار کے مرجر کے ممکنہ فوائد پر بات کی۔
- Advertisement -
وکیل ٹیلی کام کی جانب سے انضمام پر اپنے اعتراضات پیش کیے گئے، تاہم مرجر پردرخواست کی آئندہ سماعت 3 اکتوبر کو ہوگی۔
آئندہ سماعت میں وکیل ٹیلی کام اپنے دلائل مکمل کریں گے، سماعت چیئرمین ڈاکٹر کبیر احمد سدھو اور دیگر ممبران پر مشتمل بینچ نے کی۔
