پاکستان تحریک انصاف اور پاکستان مسلم لیگ ق کے رہنماؤں کی آئندہ انتخابات کے لیے قومی اور پنجاب اسمبلی میں سیٹ ایڈجسٹمنٹ پر دوبارہ مشاورت ہوگی۔
اے آر وائی نیوز کے مطابق پاکستان تحریک انصاف اور مسلم لیگ ق کے درمیان سیٹ ایڈجسٹمنٹ کے معاملے پر گزشتہ روز دونوں جماعتوں کے رہنماؤں کی میٹنگ ہوئی تھی۔ پی ٹی آئی کمیٹی کے اراکین شاہ محمود قریشی، فواد چوہدری اور پرویز خٹک اس ملاقات سے متعلق آج پارٹی چیئرمین عمران خان کو بریفنگ دیں گے۔
سیٹ ایڈجسٹمنٹ کے معاملے پر دونوں جماعتوں کے رہنما آج بھی ملاقات کریں گے اور کسی حتمی فیصلے پر پہنچنے کی کوشش کی جائے گی۔
آج ملاقات میں پی ٹی آئی کی جانب سے وزیراعلیٰ پنجاب چوہدری پرویز الہٰی، مونس الہٰی اور حسین الہٰی شرکت کریں گے جب کہ پی ٹی آئی کی جانب سے شاہ محمود قریشی، فواد چوہدری اور پرویز خٹک شامل ہوں گے۔
یہ بھی پڑھیں: پیپلز پارٹی پنجاب میں اپنا وزیراعلیٰ لانے کیلیے متحرک
ذرائع کا کہنا ہے کہ آئندہ انتخابات کے لیے دونوں جماعتوں میں قومی اسمبلی کی 15 اور پنجاب اسمبلی کی 30 نشستوں پر ایڈجسٹمنٹ زیر غور ہے۔
