اسلام آباد : تحریک انصاف نے سپریم کورٹ میں محسن نقوی کی تعیناتی چیلنج کردی، جس میں محسن نقوی کو بطور نگراں وزیراعلٰی کام سے روکنے کی استدعا کی گئی ہے۔
تفصیلات کے مطابق تحریک انصاف نے نگراں وزیراعلیٰ پنجاب محسن نقوی کی تعیناتی کیخلاف درخواست دائر کردی۔
تحریک انصاف کی جانب سے اسد عمر نے بطور سیکرٹری جنرل درخواست سپریم کورٹ میں دائر کی۔
تحریک انصاف نے سپریم کورٹ میں محسن نقوی کی تعیناتی چیلنج کردی#ARYNews pic.twitter.com/wFYhxXrQLK
— ARY NEWS (@ARYNEWSOFFICIAL) January 27, 2023
درخواست میں محسن نقوی کو بطورنگراں وزیراعلٰی کام سے روکنے اور نوٹیفکیشن غیر آئینی قرار دینے کی استدعا کی گئی ہے۔
یاد رہے نگراں وزیراعلیٰ پنجاب کی تقرری کا معاملہ پارلیمانی کمیٹی میں اتفاق رائے نہ ہونے پر الیکشن کمیشن میں پہنچ گیا تھا۔
جس کے بعد 22 جنوری کو الیکشن کمیشن نے 22 جنوری محسن نقوی کو پنجاب کا نگراں وزیراعلیٰ مقرر کیا تھا۔
بعد ازاں چیئرمین پی ٹی آئی عمران خان نے محسن نقوی کی بطور نگراں وزیراعلیٰ تقرری مسترد کردی تھی اور کہا تھا کہ سپریم کورٹ فیصلےکےمطابق پلی بارگین کرنیوالاعوامی عہدے کااہل نہیں ، آج پریس کانفرنس میں پورا پلان بےنقاب کروں گا۔
واضح رہے پی ٹی آئی اور مسلم لیگ ق کے اتحاد نے نگراں وزیراعلیٰ کے لیے نوید اکرم چیمہ اور احمد نواز سکھیرا کے نام تجویز کیے تھے جب کہ اپوزیشن نے محسن نقوی اور احد چیمہ کے نام پیش کیے تھے۔
