لاہور : پنجاب کے ضمنی انتخابات میں دھاندلی روکنے کیلئے پی ٹی آئی کے 5ہزار نوجوان ڈیوٹی دیں گے اور پولنگ اسٹیشنز میں وکلا پولنگ ایجنٹ مقرر کیے جائیں گے۔
تفصیلات کے مطابق پنجاب کے ضمنی انتخابات میں دھاندلی روکنے کیلئے تحریک انصاف نے حکمت عملی تیار کرلی۔
ذرائع کا کہنا ہے کہ پنجاب کے 20حلقوں پر پی ٹی آئی کے 5ہزار نوجوان ڈیوٹی دیں گے اور دھاندلی روکنے کیلئے پولنگ اسٹیشنز میں وکلا پولنگ ایجنٹ مقرر کیے جائیں گے۔
ذرائع نے بتایا کہ وکلا یونیفارم میں ملبوس ہوں گے تاکہ غیر قانونی عمل کیخلاف کارروائی کراسکیں۔
ذرائع کے مطابق لیڈیز پولنگ اسٹیشنز پر بھی تحریک انصاف کی خواتین ورکز ڈیوٹی دیں گے ، خواتین کوپولنگ اسٹیشنز پر لے جانے کے اقدامات ہوں گے۔
ذرائع کا کہنا تھا کہ الیکشن کے دن تحریک انصاف قیادت امیدواروں کیساتھ رابطے میں رہے گی، مقدمات میں گرفتاری سے بچنے کے لیے تمام رہنماؤں کی ضمانتیں کرائی جائیں گی۔
