پشاور : پی ٹی آئی نے اسمبلی میں مخصوص نشستوں کیلئے درخواست دائرکردی، جس میں کہا کہ پی ٹی آئی لسٹڈ پارٹی ہے مخصوص نشستیں ہمارا حق ہے۔
تفصیلات کے مطابق پی ٹی آئی نے اسمبلی میں مخصوص نشستوں کیلئے پشاور ہائیکورٹ میں درخواست دائرکردی۔
پی ٹی آئی کےمشال اعظم یوسفزئی نے قاضی انور کی وساطت سے درخواست دائر کی، جس میں مؤقف اختیار کیا گیا کہ جن امیدواروں نے مخصوص نشستوں کیلئے کاغذات جمع کرائے اور اسکروٹنی ہوئی ہے ان کوایڈجسٹ کیا جائے۔
درخواست میں کہا گیا کہ پی ٹی آئی لسٹڈ پارٹی ہے مخصوص نشستیں ہمارا حق ہے، جن امیدواروں نے مخصوص نشستوں کیلئےکاغذات جمع کئے وہ پی ٹی آئی ممبرہیں۔
امیدواروں نےبیان حلفی بھی دی ہے کہ ہم پی ٹی آئی کے امیدوار ہیں، الیکشن کمیشن کسی پارٹی کوڈی لسٹ نہیں کر سکتا صرف سپریم کورٹ یہ کرسکتی ہے۔
پشاور:درخواست میں الیکشن کمیشن کو فریق بنایا گیا ہے اور درخواست آج سماعت کے لئے مقرر کرنے کی استدعا کی گئی ہے۔
