اسلام آباد : اسلام آباد ہائیکورٹ نے پی ٹی آئی ممنوعہ فنڈنگ کیس کے ملزم طارق شفیع کو بیرون ملک جانے کی اجازت دے دی اور ان کا نام پاسپورٹ کنٹرول لسٹ سے نکالنے کی ہدایت کردی۔
تفصیلات کے مطابق پی ٹی آئی ممنوعہ فنڈنگ کیس میں ملزم طارق شفیع کو بڑا ریلیف مل گیا ، اسلام آباد ہائیکورٹ نے طارق شفیع کو بیرون ملک جانے کی اجازت دے دی۔
عدالت نے طارق شفیع کا نام پاسپورٹ کنٹرول لسٹ سے نکالنے کی ہدایت کرتے ہوئے کہا کہ ڈی جی پاسپورٹ ایک ہفتےمیں نام نکال کر رپورٹ جمع کرائیں۔
اس حوالے سے جسٹس طارق محمور جہانگیری نے 6 صفحات پرمشتمل تحریری فیصلہ جاری کر دیا ، جس میں کہا کہ اسی کیس میں ایک اورملزم فیصل مقبول کانام 20 جولائی 2023 کونکالنےکاحکم ہوا، 23 جنوری 2023کو طارق شفیع کا نام پی سی ایل پر ڈالا گیا۔
اسلام آباد ہائیکورٹ کا کہنا ایڈیشنل اٹارنی جنرل نےبتایافیصل مقبول اور شیریں مزاری کیس کافیصلہ اسی طرح ہے، دونوں کیسز میں عدالت نےپی سی ایل سےنام نکالنے کا حکم دیا دونوں فیصلے فیلڈ میں ہیں، عدالت طارق شفیع کا نام بھی ایک ہفتے میں پی سی ایل سے نکالنے کا حکم دیتی ہے۔
