لاہور : تحریک انصاف کے رہنما مسرت جمشید چیمہ نے لاہور میں انٹرنیٹ بند ہونے کا خدشہ ظاہر کرتے ہوئے کہا اگرانٹرنیٹ بند ہو جائے تو سمجھ جائیں آپریشن شروع ہوگیا۔
تفصیلات کے مطابق تحریک انصاف کے رہنما مسرت جمشید چیمہ نے سماجی رابطے کی ویب سائٹ ٹوئٹر پر اپنے پیغام میں عوام کو مطلع کیا کہ لاہور میں انٹرنیٹ بند کرنے کا خدشہ ہے، اگرانٹرنیٹ بند ہوجائے توسمجھ جائیں آپریشن شروع ہوگیا، انشاءاللہ قوم تیار ہے، بزدل شکست خوردہ ٹولہ پچھتائےگا۔
اگر انٹرنیٹ بند ہو تو سمجھ جاءیں آپریشن شروع۔ انشاءاللہ قوم تیار ہے بذدل شکست خوردہ ٹولہ پچھتاۓگا
— Musarrat Cheema (@MusarratCheema) February 16, 2023
اس سے قبل مسرت جمشید چیمہ کا کہنا تھا کہ لگتا ہے سانحہ ماڈل ٹاؤن کے14قتل کےبعدان کوپھرخون چاہیے، زمان پارک سےصورتحال تبدیل ہوگی اب ماضی کی روایت نہیں ہوگی۔
رہنما پی ٹی آئی نے کہا کہ عمران خان کوگرفتارکرنےکیلئےآپ کوہماری لاشوں پرسےگزرناہوگا، عمران خان جس پرقاتلانہ حملہ ہوچکاہے پکڑنے کی کوشش کی تو ایسا نہیں ہوگا۔
ان کا مزید کہنا تھا کہ ہمارےکسی کارکن یاقیادت کونقصان پہنچاتوبھرپورجواب دیں گے، یہ لوگ جہاں بھی راستےبندکریں گےکارکنان اسے کھول دیں گے۔
مسرت جمشید چیمہ نے کہا کہ ی ٹی آئی کی خواتین بھی زمان پارک پرکفن باندھ کرکھڑی ہیں، ہماری آنےوالی نسلیں پاکستان کو تمہارے چنگل سےآزادکرائیں گے، ہمارے لیڈر کو ہماری آنکھوں کے سامنے گولیاں ماری گئیں، جو خون عمران خان نےہمارے لیے بہایا اس کا حق ادا کریں گے۔
