پی ٹی آئی چیئرمین وسابق وزیراعظم عمران خان اور پرنسپل سیکریٹری کے مابین گفتگو کی مبینہ آڈیو لیک پر پی ٹی آئی رہنماؤں کا ردعمل آگیا ہے۔
فواد چوہدری نے ٹوئٹ میں کہا ہے کہ نئی لیکس سے صرف یہ کنفرم ہوا مراسلہ وزیراعظم سے چھپانے کی کوشش تھی۔
نئ لیکس سے صرف یہ کنفرم ہوتا ہے کہ امریکی مراسلہ وزیر اعظم سے چھپانے کی کوشش کی گئ
— Ch Fawad Hussain (@fawadchaudhry) September 28, 2022
حماد اظہر نے اپنے ٹوئٹ میں لکھا کہ نارمل مراسلہ؟ یہ صرف ایک سازش نہیں بلکہ ملک کی توہین کی گئی تھی۔
انہوں نے مزید کہا کہ جب کابینہ کے سامنے مراسلہ پڑھا گیا تو چند ممبران غصے اور دکھ سے آبدیدہ ہوگئے تھے۔
نارمل مراسلہ؟ یہ صرف ایک سازش نہیں بلکہ پوری ملک کی توہین کی گئی تھی۔ جب کابینہ کے سامنے مراسلہ پڑھا گیا تو چند ممبران غصے اور دکھ سے آبدیدہ ہو گئے۔ https://t.co/udJAwXtJqc
— Hammad Azhar (@Hammad_Azhar) September 28, 2022
زلفی بخاری نے ٹوئٹر پر اس حوالے سے ردعمل دیتے ہوئے کہا ہے کہ عمران خان کی لیک آڈیو ہمارے بیانیے کے عین مطابق ہے، تصدیق ہو گئی کہ سائفر وزیراعظم سے چھپایا گیا تھا۔
زلفی بخاری نے کہا کہ ہر ممکن کوشش تھی سائفر، سفیر کے مؤقف کو بیوروکریٹک ریکارڈ پر لایا جائے، آڈیو لیک کرکے بہت اچھا کیا گیا یہ ہمارے بیانیے کی ہی تقویت ہے۔
IK’s audio is completely in agreement with our narrative,cipher was hidden from the PM.
Best possibility was to bring into bureaucratic records-everything mentioned in cipher & written by ambassador.Great job putting up this audio,further strengthens our stance.#PMOfficeLeaks
— Sayed Z Bukhari (@sayedzbukhari) September 28, 2022
واضح رہے کہ سابق وزیراعظم عمران خان اور پرنسپل سیکریٹری اعظم خان کی مبینہ آڈیو سامنے آئی ہے جس میں اعظم خان وزیراعظم عمران خان کو سائفر سے متعلق آگاہ کر رہے ہیں، اس گفتگو نے یہ سوال کھڑا کردیا ہے کہ کیا امریکا سے آنے والے سائفر کو سابق وزیراعظم سے چھپایا گیا تھا؟
کیا امریکا سے آنے والا سائفر سابق وزیراعظم عمران خان سے چھپایا گیا؟
لیک مبینہ آڈیو میں اعظم خان وزیراعظم عمران خان سے گفتگو میں سائفر سے آگاہ کر رہے ہیں، گفتگو میں سائفر کی تصدیق ہوتی ہے جس میں بتایا گیا ہے کہ سفیر نے لکھا سائفر کے بعد ڈیمارچ کیا جائے۔