اسلام آباد : تحریک انصاف کے رہنماؤں نے الیکشن کمیشن کی جانب سے عمران خان کی نااہلی کے فیصلے کو مسترد کرتے ہوئے پاکستانیوں سے باہر نکلنے کی اپیل کردی۔
تفصیلات کے مطابق پاکستان تحریک انصاف کے رہنما شہباز گل نے عمران خان کی نااہلی کے فیصلے پر ردعمل دیتے ہوئے کہا کہ آج جوفیصلہ دیا یہ نوازشریف کےذاتی ملازم نےدیاہے، یہ فیصلہ نوازشریف نے لکھا اورذاتی ملازم نے سنایا۔
شہباز گل کا کہنا تھا کہ ڈیڑھ بجے گیٹ کو تالے لگا دیے گئے میڈیا کو اندر نہیں آنے دیا گیا، اگر یہ فیصلہ انصاف کے قوانین کو پورا کرتا تو پھر ڈر کیسا، ایک مفرور بھگوڑے کا لکھا ہوا فیصلہ ہے ، جسے عوام مسترد کرتی ہے۔
انھوں نے کہا کہ عمران خان جہاں اشارہ کریں کروڑوں اور اربوں جمع ہو جاتے ہیں، عمران خان نے قوم کے پانی کے ایک ایک گلاس کی حفاظت کی ہے، عمران خان وہ ہے جو ہر جگہ قوم کے پیسے بچاتا ہے۔
پی ٹی آئی حماد اظہر نے سماجی رابطے کی ویب سائٹ ٹوئٹر پر الیکشن کمیشن کے فیصلے پر کہا صرف تحریک انصاف ہی نہیں پوری عوام کی توہین کی گئی، عمران خان پاکستان کے سب سے مقبول لیڈر ہیں، عمران خان کی بحالی کو نوازشریف کی رہائی کے ساتھ جوڑا جائے گا تو اُس کی بھول ہے، تمام کارکن اور عوام فوری طور پر اس فیصلے کے خلاف باہر نکلیں۔
صرف تحریک انصاف ہی نہیں پوری عوام کی توہین کی گئی۔ عمران خان پاکستان کہ سب سے مقبول لیڈر ہیں۔ اگر کوئی سمجھتا ہے کہ اب مذاکرات کے ذرعیے عمران خان کی بحالی کو نوازشریف کی رہائی کے ساتھ جورا جائے گا تو اُس کی بھول ہے۔
تمام کارکن اور عوام فوری طور پر اس فیصلے کے خلاف باہر نکلیں۔— Hammad Azhar (@Hammad_Azhar) October 21, 2022
تحریک انصاف کے رہنما فرخ حبیب کا کہنا تھا کہ الیکشن کمیشن کے فیصلے کیخلاف فیصل آباد ضلع کونسل چوک پہنچے، فیصلے کے خلاف بھرپور احتجاج ریکارڈ کروایا جائے گا، الیکشن کمیشن حکومت کا دست راست بن چکا ہے، عوامی میدان میں عمران خان کا مقابلہ نہیں کر سکتے ان کانپیں ٹانگ رہی ہے۔
الیکشن کمیشن کے فیصلہ کیخلاف تمام فیصل آباد ضلع کونسل چوک پہنچے۔ بھرپور احتجاج ریکارڈ کروایا جائے گا۔
الیکشن کمیشن امپورٹڈ حکومت کا دست راست بن چکا ہے۔ عوامی میدان میں عمران خان کا مقابلہ نہیں کرسکتے ان کا نپیں ٹانگ رہی ہے۔ pic.twitter.com/7LuU8riqOc— Farrukh Habib (@FarrukhHabibISF) October 21, 2022
عثمان ڈار نے عمران خان کی نااہلی پر ردعمل دیتے ہوئے کہا آج کےفیصلے سے پاکستان میں انقلاب کا آغاز ہوگیا۔
آج کے فیصلے سے پاکستان میں انقلاب کا آغاز ہوگیا !
— Usman Dar (@UdarOfficial) October 21, 2022
تفصیلات کے مطابق پی ٹی آئی رہنما علی زیدی نے اپنے ٹوئٹ میں کہا کہ ہم بنانا ریپبلک میں رہ رہے ہیں، اس قوم نے سب سے معتبر، شفاف اور ایماندار لیڈر دیکھا ہے، الیکشن کمیشن نے اپنی قانونی حدود سے تجاوز کیا ہے، ہم ای سی پی، ان کے ہینڈلرز کا فارمولہ ناکام کریں گے ، پاکستان احتجاج کرے گا۔
اب تم نے ریڈ لائن کراس کر لی ہے۔۔ صدر @PTISindhOffice سابق وفاقی وزیر @AliHZaidiPTI کا الیکشن کمیشن کے فیصلے پر ردعمل #عمران_خان_ہماری_ریڈ_لائن pic.twitter.com/IXfBVDfgIG
— Ali Zaidi News (@AliZaidiNews) October 21, 2022
سابق گورنر سندھ عمران اسماعیل نے الیکشن کمیشن کا فیصلہ مسترد کرتے ہوئے کہا عمران خان ایک اماندار صادق اور امین انسان کا نام ہے، کروڑوں کے دل پرراج کرنے والے کو آج بدیانتی سے نااہل قرار دیا گیا، معلوم تھا ایک کمپرومازڈ اور مجبور الیکشن کمیشن یہی فیصلہ دے گا، امپورٹڈ حکومت کی الٹی گنتی شروع ہوگئی ہے، سارے نکلو پاکستان کے لیے۔
عمران خان ایک اماندار صادق اور امین انسان کا نام ہے- کروڑوں کے دل پہ راج کرنے والے کو آج بدیانتی سے نااہل قرار دیا گیا- معلوم تھا کہ ایک کمپرومازڈ اور مجبور EC یہی فیصلہ دے گا- امپورٹڈ حکومت کی الٹی گنتی شروع ہو گئ ہے- سارے نکلو پاکستان کے لیے۔ #عمران_خان_ہماری_ریڈ_لائن pic.twitter.com/zwJ28CENOk
— Imran Ismail (@ImranIsmailPTI) October 21, 2022
سابق ڈپٹی اسپیکر قومی اسمبلی قاسم سوری نے عمران خان کی نااہلی کے فیصلے پر ردعمل دیتے ہوئے کہا کہ عمران خان کو نااہل قرار دینے کا حق پاکستان کی عوام کےپاس ہے، لندن بھاگے ہوئے بھگوڑوں اوران کےخاندانی نوکروں کے پاس نہیں، پاکستانی عوام اپنا فیصلہ پہلےہی کپتان کے حق میں دے چکی ہے آئندہ وزیراعظم عمران خان ہی ہوں گے۔
عمران خان کو نا اہل قرار دینے کا حق پاکستان کی عوام کے پاس ہے لندن بھاگے ہوئے بھگوڑوں اور ان کے خاندانی نوکروں کے پاس نہیں ہے، پاکستانی عوام اپنا فیصلہ پہلے ہی کپتان کے حق میں دے چکی ہے اور آئیندہ وزیراعظم عمران خان ہی ہوں گے۔#عمران_خان_ہماری_ریڈ_لائن
— Qasim Khan Suri (@QasimKhanSuri) October 21, 2022
سابق اسپیکر قومی اسمبلی اسد قیصر نے اپنے بیان میں توشہ خانہ ریفرنس کیس میں عمران خان کو نا اہل قرار دینا ملک کے قانون کے ساتھ مزاق قرار دے دیا۔
توشہ خانہ ریفرنس کیس میں عمران خان کو نا اہل قرار دینا ملک کے قانون کے ساتھ مزاق ہے۔ #عمران_خان_ہماری_ریڈ_لائن#سلیکشن_کمیشن_شرم_کرو
— Asad Qaiser (@AsadQaiserPTI) October 21, 2022
