کراچی : جیل بھرو تحریک کیلئے تحریک انصاف کی مرکزی قیادت نے کراچی سے گرفتاری دینے والوں کےنام طلب کرلیے۔
تفصیلات کے مطابق پی ٹی آئی کی مرکزی قیادت نے جیل بھرو تحریک کیلئے کراچی سے گرفتاری دینے والوں کےنام طلب کرلیے۔
ذرائع کا کہنا ہے مقامی قیادت نے دو سو افراد کی فہرست مرتب کرلی ہے ، سینئر قیادت ،سابق ایم این ایز، ایم پی ایز اور دیگر عہدیداران گرفتاری دینے کو تیار ہیں ۔
ذرائع نے کہا کہ پہلے مرحلےمیں کون سےرہنما اور عہدیداران گرفتاری دیں فیصلہ مرکزی قیادت کرے گی۔
ذرائع کے مطابق دوسرے مرحلے میں کارکنان اور سپورٹرز گرفتاریاں پیش کریں گے، اب تک جیل بھروتحریک کیلئے چھ ہزار سے زائد کارکنان نے فارم جمع کرائے۔
