اسلام آباد : تحریک انصاف نے حکومت کی جانب سے سپریم کورٹ کے حکم پرعملدرآمد میں تاخیر پر عدالت جانے کا فیصلہ کرلیا۔
تفصیلات کے مطابق حکومت کی جانب سے سپریم کورٹ کے حکم پر عملدرآمد میں تاخیر پر پی ٹی آئی نے عدالت جانے کا فیصلہ کرلیا۔
توہین عدالت کارروائی کیلئے پاکستان تحریک انصاف آج عدالت سے رجوع کرے گی، اس سلسلے میں پی ٹی آئی رہنما اسد عمر نے کہا کہ حکومت تاخیری حربےاستعمال کرکےالیکشن میں التواچاہتی ہے۔
- Advertisement -
اسد عمر کا کہنا تھا کہ حکومت کےخلاف توہین عدالت کی کارروائی ہونی چاہیے، تنویرالیاس کیخلاف کارروائی ہوسکتی ہے تو حکومت کیخلاف بھی ہونی چاہیے۔
گذشتہ روز الیکشن کمیشن نے انتخابات کے لئے فنڈز فراہمی کی رپورٹ سپریم کورٹ میں جمع کرائی تھی ، جس میں بتایا تھا کہ انہیں پنجاب میں انتخابات کرانے کے لیے ابھی تک فنڈز نہیں ملے۔
