اسلام آباد : تحریک انصاف نے امریکی صدر ڈونلڈ ٹرمپ کی تقریر کے بعد پیدا ہونے والی صورت پر بحث کے لیے قومی اسمبلی میں تحریک التوا جمع کرادی۔
تفصیلات کے مطابق پاکستان تحریک انصاف نے قومی اسمبلی میں ڈونلڈ ٹرمپ کی تقریر کے بعد پیدا ہونے والی صورت حال پر بحث کے لیے تحریک التوا جمع کرادی
پاکستان تحریک انصاف کی جانب سے تحریک التوا عارف علوی، اسد عمر، شفقت محمود، شاہ محمود قریشی سمیت شیری مزاری نے جمع کروائی۔
پی ٹی آئی کی تحریک التوا میں کہا گیا ہے کہ امریکی صدر نے پاکستان میں دہشت گردوں کی محفوظ پناہ گاہیں ہونے کا الزام عائد کیا ہے جبکہ دہشت گردی کے خلاف پاکستان کی بے پناہ قربانیاں ہیں۔
پاکستان کےلیےوہ وقت آگیا کہ امریکہ کوکہےاب کبھی نہیں‘ عمران خان
یاد رہے کہ گزشتہ روز تحریک انصاف کے سربراہ عمران خان نے امریکی صدر ڈونلڈ ٹرمپ کی نئی پالیسی پر ردعمل دیتے ہوئےاپنے پیغام میں کہا تھا کہ ایک بار امریکہ نے اپنی ناکام افغان پالیسی کا ملبہ پاکستان ڈالا۔
امریکا کا ہماری قربانیوں کو نظر انداز کرنا مایوس کن ہے، دفتر خارجہ
واضح رہے کہ گزشتہ روزامریکہ کی نئی افغان پالیسی پردفتر خارجہ کے ترجمان کا رد عمل دیتے ہوئے کہنا تھا کہ امریکہ کا پاکستانی قوم کی قربانیوں کو نظراندازکرنا مایوس کن ہے، پاکستان دہشت گردی سے سب سے زیادہ متاثر ہونے والا ملک ہے۔
