اسلام اباد: تحریک انصاف نے نیب حکام کو خواجہ آصف کی مبینہ کرپشن کے ثبوت دے دیئے، عثمان ڈار کا کہنا ہے کہ نیب سے درخواست ہے فوری کارروائی شروع کرے۔
تفصلات کے مطابق رہنما تحریک انصاف عثمان ڈار خواجہ آصف کیخلاف منی لانڈرنگ کی تحقیقات کیلئے درخواست جمع کرانے نیب ہیڈکوارٹر پہنچے، حکام نےعثمان ڈارکونیب ہیڈکوارٹرکی عمارت میں داخل نہیں ہونےدیا، ڈی جی نیب ظاہر شاہ نے ہیڈکوارٹر کے باہر ہی بات چیت مکمل کی۔
عثمان ڈار کا کہنا تھا کہ عمران خان کی ہدایت پر نیب آیا،گیٹ سےواپس بھیجنےپرافسوس ہے، نیب حکام کوخواجہ آصف کی مبینہ کرپشن کےثبوت دےدیئے، نیب حکام نےخواجہ آصف کےخلاف درخواست وصول کرلی ہے، نیب سے درخواست ہے فوری کارروائی شروع کرے۔
اس سے قبل رہنما تحریک انصاف نے کہا تھا کہ خواجہ آصف منی لانڈرنگ اورمالی جرائم میں ملوث ہیں، خواجہ آصف کی منی نڈرنگ کےنا قابل تردیدشواہد ہیں، خواجہ آصف کےفارن اکاؤنٹس میں کروڑوں روپےمنتقل ہوئے، منی لانڈرنگ کیلئے اہلیہ کےفارن اکاؤنٹس بھی استعمال کئےگئے۔
مزید پڑھیں : پاکستان تحریک انصاف کا خواجہ آصف کیخلاف منی لانڈرنگ کی تحقیقات کا مطالبہ
انکا مزید کہنا تھا کہ فارن اکاؤنٹس میں مشکوک اوربےنامی ٹرانزیکشنز کی گئیں، غیر ملکی ہوٹلز،مشکوک بینک اکاوٴنٹس کا ریکارڈ حاصل کرلیا ، کروڑوں روپےمنتقلی کا ریکارڈ الیکشن کمیشن گوشواروں میں نہیں، خواجہ آصف غیر ملکی کمپنی میں ملازمت اور اقامہ تسلیم کر چکے، نیب خواجہ آصف کیخلاف منی لانڈرنگ کی تحقیقات کاآغازکرے۔
گذشتہ روز پاکستان تحریک انصاف نے چیئر مین نیب کو خط لکھا ، خط پی ٹی آئی رہنماعثمان ڈار کی جانب سے لکھا گیا ، جس میں خواجہ آصف کیخلاف منی لانڈرنگ کی تحقیقات کا مطالبہ کیاگیا تھا۔
اس سے قبل وزیر خارجہ خواجہ آصف کی مبینہ کرپشن پر تحریک انصاف نے ان کیخلاف کارروائی کا فیصلہ کیا تھا اور اس حوالے سے پی ٹی آئی نے نیب سے رابطے کا فیصلہ کیا تھا اور کہا گیا تھا کہ خواجہ آصف قوم کےلیےسیکیورٹی رسک ہیں، خواجہ آصف کی کرپشن کے ٹھوس شواہد موجود ہیں۔
چیئرمین عمران خان کی زیر صدارت کور گروپ کے اجلاس میں خواجہ آصف کیخلاف نیب میں ریفرنس دائر کرنے کی منظوری دی گئی تھی اور عثمان ڈارکوخواجہ آصف کےخلاف نیب کوخط لکھنےکی ذمےداری سونپ دی گئی تھی۔
