The news is by your side.

Advertisement

پنجاب اسمبلی کی خالی نشستوں پر ضمنی انتخابات کب ہونگے؟ اعلان ہوگیا

اسلام آباد: پاکستان تحریک انصاف (پی ٹی آئی) کے منحرف اراکین پنجاب اسمبلی کی خالی نشستوں پر ضمنی انتخابات کا اعلان کردیا گیا ہے۔

الیکشن کمیشن کی جانب سے جاری بیان کے مطابق مطابق پنجاب اسمبلی کی بیس نشستوں پر ضمنی انتخاب کے لئے پولنگ سترہ جولائی کو ہوگی، کاغذات نامزدگی چار جون تا سات جون جمع کرائےجا سکیں گے۔

الیکشن کمیشن کے مطابق کاغذات نامزدگی کی جانچ پڑتال گیارہ جون تک کی جائےگی جبکہ امیدواروں کو انتخابی نشانات چوبیس جون کوجاری کیےجائیں گے۔

یہ بھی پڑھیں: ‏پنجاب اسمبلی: 4 ڈی سیٹ ارکان کی جگہ نئے رکن حلف اٹھا سکتے ہیں، ذرائع

واضح رہے کہ الیکشن کمیشن نےپاکستان تحریک انصاف کے 25 منحرف ارکان پنجاب اسمبلی کو ڈی سیٹ کردیا تھا جن میں مخصوص نشستوں پر کامیاب ہونے والی پانچ خواتین ارکان اسمبلی بھی شامل تھیں۔

ڈی سیٹ ہونیوالوں میں پانچ ارکان کا تعلق علیم خان گروپ چار ارکان کا تعلق اسد کھوکھر گروپ، جبکہ سولہ ارکان کا تعلق جہانگیر ترین خان گروپ سے تھا، ڈی سیٹ ہونے والے منحرف اراکین پنجاب اسمبلی میں راجہ صغیر احمد، ملک غلام رسول سنگا، سعید اکبر خان، محمد اجمل، علیم خان، نذیر چوہان، محمد امین ذوالقرنین ، ملک نعمان لنگڑیال، محمد سلمان، زوار وڑائچ سمیت نذیر احمد خان، فدا حسین، زہرہ بتول، محمد طاہر، عائشہ نواز، ساجدہ یوسف، ہارون عمران گل، عظمیٰ کاردار، ملک اسد، اعجاز مسیح، سبتین رضا، محسن عطا خان کھوسہ، میاں خالد محمود، مہر محمد اسلم اور فیصل حیات شامل ہیں۔

وہ حلقے جہاں سترہ جولائی کو ضمنی انتخابات ہونے جارہا ہے

پی پی7راولپنڈی، پی پی83خوشاب، پی پی90بھکر، پی پی97فیصل آباد، پی پی125اور127جھنگ، پی پی140شیخوپورہ، پی پی202ساہیوال، پی پی217ملتان، پی پی224اور228 لودھراں،پی پی237بہاولنگر،پی پی272، 273مظفرگڑھ،پی پی282لیہ،پی پی288ڈی جی خان۔

Comments

یہ بھی پڑھیں