لاہور: پنجاب کے 20 حلقوں میں ضمنی الیکشن کے حوالے سے پنجاب پولیس نے سیکیورٹی پلان تیار کرلیا، آئی جی پنجاب نے انتخابی ضابطہ اخلاق پر ہر صورت عمل یقینی بنانے کی ہدایت جاری کی ہے۔
اس حوالے سے ذرائع کا کہنا ہے کہ 14 اضلاع میں 52 ہزار سے زائد اہلکاران و افسران تعینات ہوں گے، ضمنی الیکشن کے لیے14 اضلاع میں3100 پولنگ اسٹیشنز قائم کیے گئے ہیں۔
ذرائع کے مطابق اینٹی رائٹ فورس کے100اہلکار ریزرو کے طور پر موجود رہیں گے، لاہور کے چار حلقوں میں 465 پولنگ اسٹیشن بنائے گئے ہیں۔
- Advertisement -
لاہور میں سکیورٹی کے لیے8 ہزار سے زائد اہلکاران و افسران تعینات ہوں گے، اس کے علاوہ مانیٹرنگ کے لیے سینٹرل پولیس آفس میں اسپیشل کنٹرول روم بھی بنایا گیا ہے۔
