ہفتہ, مئی 11, 2024
اشتہار

قندیل بلوچ قتل کیس،ملزم وسیم مزید3روزہ ریمانڈ پر پولیس کے حوالے

اشتہار

حیرت انگیز

ملتان : ماڈل قندیل بلوچ قتل کیس میں ملزم وسیم کو سول جج ملتان نے مزید تین روزہ جسمانی ریمانڈ پر پولیس کے حوالے کر دیا ہے۔

تفصیلات کے مطابق قندیل بلوچ قتل کیس کے مرکزی ملزم وسیم کو سول جج کی عدالت میں پیش کیا گیا اور دوبارہ جسمانی ریمانڈ کی استدعا کی گئی، جس پر سول جج ملتان نے ملزم وسیم کو مزید تین روزہ جسمانی ریمانڈ پر پولیس کے حوالے کر دیا ہے۔

اس سے قبل پولیس نے ماڈل قندیل بلوچ کے قتل کے ملزم وسیم کا ڈی این اے حاصل کرکے ملزم کا پولی گرافک ٹیسٹ بھی لیا گیا جب کہ مقتولہ کی دو بھابھیوں کو حراست میں لے گیا ہے۔

- Advertisement -

مزید پڑھیں :  قندیل بلوچ کیس : پولی گرافک ٹیسٹ کے بعد ملزم وسیم کے بیان میں تضاد

گزشتہ سماعت میں پولیس نے عدالت سے ملزم کی چھ روز کے جسمانی ریمانڈ کی استدعا کی تھی، پولیس حکام کا کہنا تھا کہ ملزم سے تفتیش ابھی باقی ہے جس کی وجہ سے عدالت ملزم کا جسمانی ریمانڈ دے۔ جس پر عدالت نے ملزم کو 5 روز کے جسمانی ریمانڈ پر پولیس کے حوالے کر دیا۔

ملزم نےغیرت کے نام پر اپنی بہن اور معروف ماڈل قندیل بلوچ کو قتل کرنے کا اعتراف کیا تھا۔

مزید پڑھیں : ماڈل قندیل بلوچ کو قتل کر دیا گیا

واضح رہے معروف ماڈل اور ممتاز شوبز شخصیت قندیل بلوچ کو اُن کے گھر واقع ملتان میں قتل کردیا گیا ،قندیل بلوچ اپنے والدین سے ملنے گھر آئی ہوئیں تھیں کہ رات سوتے ہوئے اُن کے بھائی نے وسیم نے گلا دبا کر قندیل بلوچ کو ہلاک کرکے گاؤں فرار ہو گیا تھا جہاں پولیس نے چھاپہ مار کارروائی میں ملزم کو گرفتار کرلیا تھا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں