کوئٹہ : بلوچستان میں ایک بار پھر دہشت گردی کے واقعے میں ایک گاڑی پر ریمورٹ کنٹرول بم دھماکا کیا گیا جس کے نتیجے میں 7 افراد جاں بحق ہوگئے۔
تفصیلات کے مطابق کوئٹہ کے ضلع کیچ میں گاڑی پر ریمورٹ کنٹرول بم دھماکے کی اطلاع موصول ہوئی ہے جس میں بتایا جا رہا ہے کہ دھماکے کے نتیجے میں 7افراد جاں بحق اور متعدد زخمی ہوگئے۔
اس حوالے سے ضلعی حکام کا کہنا ہے کہ واقعہ پنجگور سے ملحقہ کیچ کےعلاقے بالگتر میں پیش آیا، مقتولین شادی کی تقریب سے واپس جارہے تھے۔
- Advertisement -
تازہ ترین اطلاعات کے مطابق جاں بحق افراد میں ایک یوسی چیئرمین اسحاق یعقوب بھی شامل ہے، جاں بحق دیگر 6 افراد اسحاق یعقوب کے قریبی عزیز ہیں، 6افراد کاتعلق نلی بازار سے جبکہ ایک پنجگور کارہائشی ہے۔
