کراچی / کوئٹہ : شہر قائد میں آج دن اوررات کے اوقات میں ہلکی بارش اوربوندا باندی کا امکان ہے جبکہ لورالائی، بارکھان، کوئٹہ میں گرج چمک کے ساتھ بارش ہوسکتی ہے۔
اس حوالے سے موسم کا حال بتانے والوں کا کہنا ہے کہ آج کراچی شہرکا موجودہ درجہ حرارت28.6ڈگری سینٹی گریڈ ہے، کم سے کم درجہ حرارت27.5ڈگری سینٹی گریڈ ریکارڈ کیا گیا۔
محکمہ موسمیات کے مطابق کراچی میں نمی کاتناسب83فیصد ہے، جنوب مغربی سمت سےچلنےوالی ہوا10نارٹیکل مائل ہے، زیادہ سے زیادہ درجہ حرارت 29 سے 31 ڈگری تک جانے کا امکان ہے۔
دوسری جانب محکمہ موسمیات نے بتایا ہے کہ بلوچستان کے بیشتر اضلاع میں موسم موطوب رہے گا، لورالائی،بارکھان،کوئٹہ میں گرج چمک کےساتھ بارش ہوسکتی ہے۔
کوئٹہ میں زیادہ سےزیادہ درجہ حرارت32ڈگری سینٹی گریڈ جبکہ پسنی اور جیونی میں31،گوادر اور اوڑمارہ میں30ڈگری سینٹی گریڈ ریکارڈ کیا گیا۔
محکمہ موسمیات کے مطابق خضدار میں زیادہ سے زیادہ 33جبکہ لسبیلہ میں32ڈگری سینٹی گریڈ ریکارڈ کیا گیا، نوکنڈی اور دالبندین میںز یادہ سے زیادہ 42ڈگری سینٹی گریڈ ریکارڈ کیا گیا۔
اس کے علاوہ ژوب میں زیادہ سے زیادہ33جبکہ بارکھان میں32ڈگری سینٹی گریڈ، پنجگوراور تربت میں زیادہ سے زیادہ32ڈگری سینٹی گریڈ، جبکہ سبی میں زیادہ سےزیادہ 34ڈگری سینٹی گریڈریکارڈ کیا گیا۔
