دنیا میں کئی جاندار ایسے ہیں جن کی ظاہری خوبصورتی یا خصوصیات دیکھ کر عقل دنگ رہ جاتی ہے، ایسے ہی ایک سانپ کی ویڈیو آج کل سوشل میڈیا پر وائرل ہورہی ہے۔
یہ ویڈیو سماجی رابطے کی ویب سائٹ انسٹاگرام پر پوسٹ کی گئی ہے جسے جے بریور نامی ایک شخص نے پوسٹ کیا ہے۔ جے امریکی ریاست کیلی فورنیا میں ریپٹائل زو کا بانی ہے۔
ویڈیو میں دیکھا جاسکتا ہے کہ وہ ایک ڈبے میں ایک نہایت نایاب سانپ کے ساتھ موجود ہے۔ سورج کی شعاعیں جب سانپ پر پڑتی ہیں تو سانپ کی جلد قوس قزح کے رنگوں جیسی ہوجاتی ہے۔
View this post on Instagram
یہ سانپ رینبو ریٹی کیولیٹڈ پائتھون کہلاتے ہیں اور یہ دنیا کے سب سے وزنی سانپ ہوتے ہیں۔ گو کہ یہ زہریلے نہیں ہوتے لیکن اپنے شکار کے گرد لپٹ کر اپنے وزن کے باعث اسے ہلاک کر ڈالتے ہیں۔
کئی افراد اسے گھر میں بھی پالتے ہیں لیکن اس کے لیے سانپوں کے بارے میں مکمل معلومات رکھنا ضروری ہے۔
جے بریور کی اس ویڈیو کو انسٹاگرام پر 70 لاکھ سے زائد افراد دیکھ چکے ہیں۔
