راجن پور کے علاقے کوٹلہ عیسن کےقریب مخالفین نے گھر میں گھس کر فائرنگ سے باپ سمیت 3 بچوں کا قتل کردیا۔

پولیس کے مطابق ذاتی دشمنی کے بنا پر فائرنگ سے 4 افراد جاں بحق ہوگئے جس میں باپ 2 بیٹے اور 1 بیٹی شامل ہے تاہم ملزمان واردات کے بعد موقع سے فرار ہوگئے۔

آئی جی پنجاب عثمان انور نے فائرنگ سے 4 افراد کی ہلاکت کے واقعےکا نوٹس لیتے ہوئے آر پی اوڈی جی خان سے رپورٹ طلب کرلی۔

آئی جی پنجاب نے کہا کہ ملزمان کی جلدگرفتاری کیلئے ڈی پی او راجن پور اقدامات یقینی بنائیں، ملزمان کو جلدگرفتارکر کے قانون کے کٹہرے میں لایا جائے۔