لاہور: پاکستان کرکٹ بورڈ (پی سی بی) کےریزروز تاریخی بلندی پرپہنچ گئے چیئرمین پی سی بی رمیز راجہ نےسوشل میڈیا پر خوشی کا اظہارکردیا۔
اے آر وائی نیوز کے مطابق چیئرمین پی سی بی رمیز راجہ نے سماجی رابطے کی ویب سائٹ ٹویٹر پر لکھا کہ دو ہزار بائیس تئیس سیزن کی دو طرفہ ہوم سیریز کے لیے شراکت داری کے حقوق میں ستتر فیصد اضافہ پاکستان کرکٹ کیلئے ایک اچھی خبر ہے۔
انہوں نے لکھا کہ فنڈز کا کچھ حصہ شائقین کے لیے بنیادی انفراسٹرکچر تیار کرنے میں استعمال کریں گے۔
رمیز راجہ کا کہنا تھا کہ پہلےکراچی اورپنڈی کے اسٹیڈیم میں جدید ترین کرسیاں لگائی جائیں گی۔
A 77% surge in partnership rights for bilateral Home Series for 22-23 season is great news for Pak Ckt. Our reserves are at an historic high! We will use part of those funds to develop infrastructure for fans. As a first, Khi and Pindi stadiums will have state of the art chairs.
— Ramiz Raja (@iramizraja) May 14, 2022
واضح رہے کہ گزشتہ دنوں خبریں آئی تھیں کہ چیئرمین پی سی بی رمیز راجہ کو عہدے سے ہٹانے کا فیصلہ کیا گیا ہے، وزیراعظم شہباز شریف نئے چیئرمین پی سی بی کے لیے دو نام دیں گے۔
ذرائع کا کہنا تھا کہ چیئرمین پی سی بی کے لئے نجم سیٹھی کا نام بھی شامل، گورننگ بورڈ دونوں ناموں میں سے ایک نام تجویز کر ے گا۔
اس سے قبل رمیز راجہ نے بورڈ کے ڈائریکٹرز اور دیگر اسٹاف سے ملاقات کی تھی۔
چیئرمین پی سی بی نے 30 کے قریب عہدیداران کو بلایا اور یہ ملاقات تقریباً 15 منٹ جاری رہی تھی۔
رمیز راجہ نے عہدیداران کو کام پر فوکس کرنے کی ہدایت دیتے ہوئے کہا تھا کہ اب غیر یقینی کی صورتحال ختم ہو جانی چاہیے کیونکہ مجھے کام جاری رکھنے کا کہا گیا ہے۔