شوبز انڈسٹری کی نامور اداکارہ رمشا خان کی نئی تصاویر مداحوں کو بھا گئیں۔
فوٹو اور ویڈیو شیئرنگ ایپ انسٹاگرام پر اداکارہ رمشا خان نے نئی تصاویر شیئر کیں جس میں انہیں خوشگوار موڈ میں دیکھا جاسکتا ہے۔
رمشا خان نے تصاویر شیئر کرتے ہوئے دل کی ایموجی بنائی۔
اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
رمشا خان کے انسٹاگرام فالوورز کی تعداد 28 لاکھ سے زائد ہے، اداکارہ انسٹاگرام پر اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
اے آر وائی ڈیجیٹل کے پروگرام ’گڈ مارننگ پاکستان‘ میں اداکارہ کا کہنا تھا کہ اداکار علی عباس میرے فرسٹ کزن ہیں اور وہ میری سگی خالہ کے بیٹے ہیں۔
اداکارہ کا کہنا تھا کہ بچپن میں مجھ سمیت سب بچے علی عباس سے بہت ڈرتے تھے، وہ مجھے اور میری چھوٹی بہن کو بہت ڈراتے تھے اور کہتے تھے کہ یہاں پر بھوت ہے، اس وقت ان کے ذہن میں یہ ہوتا تھا کہ کراچی سے آئے ہیں آؤ ذرا ان کو ڈراتے ہیں۔
رمشا خان نے بتایا تھا کہ جب ڈرامے کے سیٹ پر علی عباس سے سامنا ہوا تو اندازہ ہوا کہ وہ بہت ہی خوش مزاج شخص ہیں۔
واضح رہے کہ رمشا خان، علی عباس کے ساتھ اے آر وائی ڈیجیٹل کے ڈرامہ سیریل ’گھسی پٹی محبت‘ میں اداکاری کے جوہر دکھا چکی ہیں۔
انہوں نے اے آر وائی ڈیجیٹل کے ڈرامے ’عشقیہ‘ میں بھی مرکزی کردار ادا کیا تھا۔
