لاہور: پنجاب اسمبلی میں اپوزیشن رہنما رانا آفتاب احمد خان نے کہا ہے کہ نگران حکومت کے 9 ماہ کے اللے تللے کا بجٹ پاس نہیں کرنے دیں گے۔
پنجاب اسمبلی کے باہر میڈیا سے گفتگو کرتے ہوئے رہنما سنی اتحاد کونسل رانا آفتاب احمد خان کا کہنا تھا کہ پنجاب حکومت آج بجٹ نہیں آرڈیننس لا رہی ہے، حکومت نے اسپتالوں میں ٹائلیں تو لگوا دیں لیکن دوائی نہیں دی۔
انہوں نے کہا کہ حکومت نے راشن کے نام پر قوم کو بھکاری بنا دیا ہے، حکومت کو اب تک یہی نہیں پتا کتنی آبادی کو راشن دینا ہے یہ جو ہورہا ہے جمہوریت کے لیے نقصان دہ ہے۔
رہنما سنی اتحاد کونسل رانا آفتاب احمد خان کا مزید کہنا تھا کہ عوام کی مدد نہین ذاتی تشہیر ہورہی ہے، کے پی میں ہیلتھ کارڈ سے عوام کی علاج معالجے کی پریشانی ختم ہوگئی ہے۔
واضح رہے کہ حکومت پنجاب گزشتہ 9 ماہ کے استعمال شدہ اور آئندہ 3 ماہ کا بجٹ اسمبلی سے منظور کرائے گی، وزیر خزانہ پنجاب کا کہنا ہےکہ اسمبلی میں پیش کردہ بجٹ مکمل ایک سال کا ہوگا۔
