سپراسٹار رنبیر کپور اور عالیہ بھٹ کی بیٹی کو دیکھنے کے بعد سوشل میڈیا صارفین نے بڑا دعویٰ کرتے ہوئے انھیں پیدائشی اسٹار قرار دیدیا۔
تفصیلات کے مطابق بالی وڈ کی نامور جوڑی عالیہ بھٹ اور رنبیر کپور نے کرسمس کے تہوار کے موقع پر اپنی بیٹی راہا کپور کی پہلی جھلک دنیا کو دکھائی تھی۔ ان کی بیٹی کی من موہنی صورت اور نیلی آنکھیں دیکھ کر صارفین نے انھیں پیدائشی اسٹار سے تشبیح دی ہے۔
راہا کپور کی نیلی آنکھیں دیکھ کر کئی لوگوں کو آنجہانی رشی کپور اور راج کپور یاد آگئے جبکہ کچھ لوگوں نے خیال ظاہر کیا کہ بچی کرینہ کپور سے کافی شباہت رکھتی ہے۔
ایک صارف نے راہا کی تصویر پر تبصرہ کرتے ہوئے کہا کہ یہ کرینہ کپور سے مشابہت رکھتی ہے جب کہ ایک شخص نے لکھا کہ یہ تو بالکل رشی کپور کی طرح لگ رہی ہیں۔
ایک صارف نے ازراہِ مذاق راہا کے حوالے سے کہا کہ ان کے بچے آرڈر پر بنتے ہیں آپ اس بچی کی آنکھیں دیکھیں۔
ایک اور شخص نے اپنے خیالات کا اظہار کرتے ہوئے کہا کہ وہ کتنے اعتماد سے کیمرے کا سامنا کررہی ہے ایک اور اسٹار پیدا ہوگئی ہے۔
واضح رہے کہ عالیہ اور رنبیر 2018 میں فلم برہمسترا کے سیٹ پر ایک دوسرے کی محبت میں گرفتار ہوئے تھے۔ دنوں نے اپریل 2022 میں شادی کی تھی جبکہ اسی سال نومبر میں ان کے ہاں بیٹی راہا کی پیدائش ہوئی تھی۔
