ممبئی: بالی ووڈ کے معروف اداکار رندیپ ہُدا نے فلم کے لیے 26 کلو وزن کم کرکے سب کو حیران کردیا۔
بھارتی میڈیا رپورٹس کے مطابق اداکار رندیپ ہُدا بھارتی سیاست ویر سرکار کی زندگی پر بننے والی فلم میں مرکزی کردار نبھائیں گے۔
اداکار نے بتایا کہ وزن کم کرنے کے لیے انہوں نے ایک کھجور، ایک گلاس دودھ چار ماہ تک کھایا۔
فلم کے پروڈیوسر کا کہنا تھا کہ جب رندیپ کو یہ فلم آفر کی گئی تو اس وقت ان کا وزن 86 کلو گرام تھا تاہم انہیں فلم آفر کرنے کے لیے وزن کرنے کا مطالبہ کیا گیا تھا۔
فلم پروڈیوسر نے انکشاف کیا کہ رندیپ ہدا نے فلم کیلئے 4 ماہ میں 26 کلو وزن کم کر کے انہیں بھی حیران کر دیا۔
پروڈیوسر نے انکشاف کیا کہ اتنی تیزی سے وزن کم کرنے کیلئے رندیپ نے 4 ماہ تک روزانہ صرف ایک کھجور اور 1 گلاس دودھ پیا اور وہ وزن کم کرنے میں کامیاب ہوگئے۔
واضح رہے کہ رندیپ ہودا خود ہی اس فلم کے ہدایتکار اور شریک پروڈیوسر بھی ہیں۔ فلم کا ٹیزر جاری کر دیا گیا ہے جو جلد سنیما گھروں کی زینت بنے گی۔
رندیپ ہدا کے وزن کم کرنے پر مداحوں بھی حیرت کا اظہار کیااور لکھا کہ ’غضب ہے بھائی۔‘ دوسرے مداح نے لکھا کہ ’بہت اچھے لگ رہے ہیں۔‘
