کراچی: اسمگلنگ مافیا کے خلاف رینجرز کی جانب سے سندھ بلوچستان بارڈر پر بڑا ایکشن لیا گیا ہے، بڑی مقدار میں ایرانی ڈیزل اسمگلنگ کی کوشش ناکام بنا دی گئی۔
تفصیلات کے مطابق ترجمان رینجرز نے کہا کہ بند مراد چیک پوسٹ پر ایرانی ڈیزل اسمگلنگ کرنے کی کوشش ناکام بنا دی گئی ہے،4 ٹرکوں کے خفیہ خانوں میں چھپایا گیا 9 ہزار لیٹر ایرانی ڈیزل برآمد کرلیا گیا ہے۔
ترجمان کا کہنا تھا کہ ڈیزل غیرقانونی طور پربلوچستان سے کراچی منتقل کیا جا رہا تھا، ٹرک تحویل میں لے کر4 ملزمان کو گرفتار کر لیا گیا ہے۔
- Advertisement -
سیکیورٹی ادارے کے ترجمان نے کہا کہ سندھ رینجرز اسمگلنگ کے مکمل خاتمے تک بلا امتیاز کارروائیاں کرے گی۔
انھوں نے کہا کہ کسٹمز اور دیگر اداروں کے ساتھ کریک ڈاؤن کیا جائے گا، گرفتار ملزمان کو کسٹمز حکام کے حوالے کر دیا گیا ہے۔
