ممبئی: رنویر سنگھ نے والدین سے بچھڑنے والے ایک بچے کو گود میں لے کر بچایا، اس واقعے کی ویڈیو دیکھ کر مداحوں نے انھیں حقیقی ہیرو قرار دے دیا۔
تفصیلات کے مطابق بالی ووڈ اداکار رنویر سنگھ کی ایک ویڈیو سامنے آئی ہے جس میں وہ ہجوم میں ماں باپ سے بچھڑنے والے ایک چھوٹے بچے کو بچا رہے ہیں۔
رنویر سنگھ اپنی آنے والی نئی فلم ’سرکس‘ کی تشہیر میں مصروف ہیں، وہ اداکار ورون شرما اور ہدایت کار روہت شیٹی کے ساتھ پروموشنز کے لیے اتوار کو ممبئی میں ملاڈ مستی سینٹر آئے، وہاں انھوں نے ہجوم میں ایک روتے بچے کو دیکھ لیا۔
ویڈیو میں دیکھا جا سکتا ہے کہ سیڑھیوں کے اوپری سرے پر رنویر نے دیکھا کہ ایک بچہ بھیڑ میں اونچی آواز میں رو رہا ہے جو اپنے والدین سے بچھڑ گیا تھا۔
View this post on Instagram
رنویر کے ایک فین کلب کی جانب سے انسٹاگرام پر شیئر کی گئی ویڈیو کے مطابق اداکار نے جھک کر بچے کو گود میں اٹھایا اور بہ حفاظت اپنے ساتھ لے گئے۔
مداحوں نے رنویر سنگھ کا یہ عمل بے حد پسند کیا، اور کہا کہ وہ ایک سچا ہیرو ہے۔
