The news is by your side.

Advertisement

پنجاب میں اجتماعی زیادتی سمیت خواتین کے خلاف جرائم کے واقعات میں ہولناک اضافہ

لاہور: پنجاب پولیس نے گزشتہ 3 برسوں میں خواتین کے خلاف ہونے والے جرائم کے اعداد و شمار جاری کردیے، سنہ 2021 میں گزشتہ 2 سالوں کے مقابلے میں زیادتی کے واقعات میں ہولناک اضافہ ہوگیا۔

تفصیلات کے مطابق صوبہ پنجاب میں 3 سال کے دوران خواتین کے قتل، ریپ اور اغوا کے 87 ہزار واقعات ہوئے، پولیس ریکارڈ کے مطابق صرف سنہ 2021 میں خواتین کے خلاف جرائم کے 20 ہزار سے زائد مقدمات درج ہوئے۔

پنجاب پولیس کے ریکارڈ کے مطابق سنہ 2019 میں گھریلو تشدد میں 413، اور غیرت کے نام پر 197 خواتین کو قتل کیا گیا۔

اس سال 3 ہزار 881 خواتین زیادتی کا نشانہ بنیں جبکہ 190 خواتین کے ساتھ اجتماعی زیادتی کے ہولناک واقعات پیش آئے۔

صوبے میں سنہ 2020 میں گھریلو تشدد میں 376، اور غیرت کے نام پر 237 خواتین کو قتل کیا گیا، دیگر واقعات میں 502 خواتین قتل ہوئیں۔

اس سال زیادتی کے 3 ہزار 773 اور اجتماعی زیادتی کے 219 واقعات رونما ہوئے۔

سنہ 2021 میں گھریلو تشدد میں 444 اور غیرت کے نام پر 197 خواتین قتل ہوئیں، دیگر واقعات میں 451 خواتین کو قتل کیا گیا۔

پولیس ریکارڈ کے مطابق خواتین سے زیادتی کے 4 ہزار 329 اور اجتماعی زیادتی کے 269 واقعات پی شاائے۔

Comments

یہ بھی پڑھیں