سڈنی: آسٹریلیا میں بحری جہاز نے ستارا ٹوٹ کر زمین کی حدود میں داخل ہونے کا منظر ویڈیو میں محفوظ کرلیا۔
سیاہ آسمان پر ستارے ٹوٹنے کی روشنی نمودار ہونے کا منظر ہمیشہ ہی خوبصورت نظر آتا ہے جس کو اب تک سیکڑوں بار دیکھا جاچکا ہے مگر اب کی بار سمندر سے اس لمحے کو دیکھا گیا جس کی ویڈیو سامنے آگئی۔
پہلے انٹرنیٹ پر شیئر ہونے والی ویڈیو کی بات کرتے ہیں جس میں دیکھا جاسکتا ہے کہ جہاز رات کے وقت گہرے سمندر میں موجود ہے کہ اسی دوران سیاہ آسمان پر سفید روشنی نمودار ہوئی۔
یہ روشنی دراصل ستارہ ٹوٹنے کی تھی جسے شہاب ثاقب بھی کہا جاتا ہے، یہ پراسرار روشنی جو فلک سے زمین کی طرف کا سفر طے کرتی اور پھر اسی دوران ختم ہوجاتی ہے۔
ویڈیو دیکھیں: لبنان میں شہاب ثاقب گرنے کا خوبصورت منظر، شہری حیران
یہ ویڈیو بھی دیکھیں: چین، رات کی تاریکی میں آسمان پر پُراسرار روشنی کی حرکت، ویڈیو وائرل
عام طور پر فضائی آلودگی سے متاثرہ شہریوں اور علاقوں کے رہائشی اس منظر کو دیکھنے کے لیے ترستے ہیں کیونکہ گرد و غبار اور دھند کی وجہ سے آسمان واضح نظر نہیں آتا جس کی وجہ سے اکثر ایسے لمحات ضائع ہوجاتے ہیں۔
رپورٹ کے مطابق ستارہ ٹوٹنے کا منظر جس وقت کیمرے میں محفوظ ہوا تو اُس وقت جہاز آسٹریلیا کی سمندری حدود کے قریب تھا۔
It’s cloudy with a chance of *checks notes* meteors? ☄️
A bright green meteor went over Tasmania this morning. And our #RVInvestigator was able to capture it on our live stream! 🚢
The ship was near south coast of Tasmania where it’s currently doing work for @Parks_Australia. pic.twitter.com/H2i4kfe9Pe
— CSIRO (@CSIRO) November 19, 2020
رپورٹ کے مطابق یہ منظر جون ہوپر نامی غیر ملکی کپتان کی وجہ سے کیمرے میں محفوظ ہوا۔
انہوں نے کہا کہ ’جب ہم لائیو اسٹریم فوٹیج کو دیکھ رہے تھے تو اُس میں شہابِ ثاقب واضح طور پر نظر آیا تو سب حیران رہ گئے کیونکہ ہمیں اُس وقت یہ محسوس نہیں ہوا تھا‘۔