روینہ ٹنڈن کی بیٹی اور بالی ووڈ میں نوآموز راشا تھاڈانی کی گلوکاری کی عمدہ ویڈیو نے سوشل میڈیا پر صارفین کی بھرپور توجہ حاصل کرلی۔
بالی ووڈ میں راشا تھاڈانی اور اجے دیوگن کے بھتیجے امان دیوگن، جلد آزاد نامی فلم کے ساتھ اپنا ڈیبیو کریں گے، تاہم اس وقت راشا کی ایک ماضی کی ویڈیو انٹرنیٹ پر وائرل ہورہی ہےجس میں راشا نے اس بات کا ثبوت دیا ہے کہ وہ ایک بہت باصلاحیت گلوکارہ بھی ہیں۔
یہ ویڈیو راشا تھاڈانی نے 2023 میں ورلڈ میوزک ڈے کے موقع پر اپنے آفیشل سوشل میڈیا ہینڈل پر شیئر کی تھی تاہم ان کی نئی فلم کے ٹریلر کے بعد اب یہ ویڈیو دوبارہ سامنے آئی ہے۔
انٹرنیٹ پر وائرل ہونے والی اس کلپ نے شائقین کو خوش اور راشا کے گانے کی صلاحیت کا مداح بنا دیا ہے، راشا ایمی وائن ہاؤس کا مشہور گانا ویلری پرفارم کر رہی ہیں۔
وہ کافی عمدگی سے یہ گانا گارہی اور ساتھ ہی پرفارم بھی کرتی دکھائی دےرہی ہیں، چہرے کے تاثر سے لگ رہا ہے کہ صرف اسٹار کڈ ہی نہیں بلکہ کافی صلاحیتوں کی مالک بھی ہے۔
راشا اس ویڈیو میں سیاہ لباس میں ہمیشہ کی طرح خوبصورت لگ رہی ہے، جبکہ ان کے ساتھ اسٹیج پر ایک اور لڑکی بھی موجود ہے اور کراؤڈ شور کرکے ان کو سراہ رہا ہے۔
