راشد خان کے جادوئی اسپیل کی بدولت دفاعی چیمپئن لاہور قلندرز نے اسلام آباد یونائیٹڈ کو بھاری مارجن سے شکست دے دی ہے۔

تفصیلات کے مطابق پنڈی اسٹیڈیم میں کھیلے جارہے میچ میں لاہور قلندرز نے یونائیٹڈ کو 119 رنز کے بھاری مارجن سے ہرادیا ہے۔

اسلام آباد یونائیٹڈ 227رنز کےتعاقب میں107 رنز پر ہی ڈھیر ہوگئی، راشد خان نے عمدہ بولنگ کا مظاہرہ کرتے ہوئے چار کھلاڑیوں کو پویلین بھیجا۔

حارث رؤف اور زمان خان نے بھی دو دو وکٹیں حاصل کیں۔

اس سے قبل جارح مزاج بیٹر فخر زمان کی شاندار سینچری کی بدولت لاہورقلندرز نے اسلام آباد یونائیٹڈ کوجیت کیلئے227رنز کا ہدف دیا تھا۔

فخرزمان نے شاندار 115 رنز بنائے، فخر کی اننگ میں 8 چھکے اور 8 چوکے شامل تھے۔

اس کے علاوہ کامران غلام41،سیم بلنگز32رنزبناکرنمایاں رہے،اسلام آباد یونائیٹڈ کی جانب سے فضل فاروقی نے تین کھلاڑیوں کو آؤٹ کیا، حسن علی اور وسیم جونئیر کے حصے میں ایک ایک وکٹ آئی۔

ٹاس جیتنے کے بعد شاہین آفریدی کا کہنا تھا کہ پچ اچھی لگ رہی ہے اس لیے پہلے بیٹنگ کریں گے اور اچھا ٹارگٹ دینے کی کوشش کریں گے ۔

اسلام آباد یونا ئیٹڈ کے کپتان شاداب خان کا کہنا تھا کہ ہم بھی پہلے بیٹنگ کرنا چاہتے تھے ، اب لاہور قلندرز کو کم اسکور پر محدود کریں گے۔

Comments