بالی وڈ اداکارہ روینہ ٹنڈن نے اپنی مشہور زمانہ فلم ’انداز اپنا اپنا‘ کے سیکوئل میں نئے اداکاروں کے ساتھ کام کرنے کی خواہش کا اظہار کیا ہے۔
بھارتی ذرائع ابلاغ کو ایک انٹرویو میں ان کا کہنا تھا کہ اگر آج کے دور میں ماضی کی آئیکونک فلم ’انداز اپنا اپنا‘ کا ریمیک بنتا ہے تو وہ اس میں ضرور کام کرنا چاہیں گی، تاہم ان کا کہنا تھا کہ وہ فلم میں نئے اور نوجوان اداکاروں کے ساتھ کام کرنا پسند کریں گی۔
انھوں نے بالی وڈ کے آج کے دور کے اے لسٹ ایکٹرز رنویر سنگھ اور آیوشمان کھرانہ کے ساتھ فلم میں مرکزی کردار ادا کرنے کی خواہش کا اظہار کیا۔
روینہ نے کہا کہ اگر اس فلم کا سیکوئل بنتا ہے تو میں اس کے لیے کافی پُرجوش ہونگی جبکہ اس کامیڈی فلم کو ایک نئے طرز پر بنانے سے زیادہ لطف آئے گا۔
انھوں نے کہا کہ اگر اچھی کامیڈی ہوتو پھر میں کام کرنے کے لیے تیار ہوں، اور پرانے کریکیٹرز کو خراج تحسین پیش کرنے کے لیے آج کے دور میں فلم میں رنویر اور آیوشمان جیسے اداکار ہوں تو اس سے توانائی میں کافی اضافہ ہوجائے گا۔
