The news is by your side.

Advertisement

رات 9 بجے دکان بند نہ کرنے پر پولیس کا دکاندار پر تشدد

راولپنڈی : حکومت کی جانب سے شہر کی تمام مارکیٹیں بند کرنے کے احکامات پولیس کی کمائی کا ذریعہ بن گئے، پولیس اہلکاروں نے دکاندار کی درگت بنا ڈالی۔

تفصیلات کے مطابق راولپنڈی میں رات9بجے مبینہ طور پر دکان بند نہ کرنے پر پولیس اہلکاروں نے دکاندار پر تشدد کرکے اس کا حلیہ بگاڑ دیا۔

اس حوالے سے ذرائع نے بتایا ہے کہ دکاندار کو ایڈیشنل ایس ایچ صادق آباد نے تھپڑ مارے اور دکان وقت سے پہلے ہی بند کرادی۔

واقعے کی سی سی ٹی وی فوٹیج سامنے آنے کے بعد سی پی او راولپنڈی نے اس کا سختی سے نوٹس لیا، سی پی او شہزاد ندیم بخاری نے کہا کہ تحقیقات کے بعد ایڈیشنل ایس ایچ او کو سزا دیں گے۔

اس موقع پر دیگر دکانداروں کا کہنا تھا کہ دکان بند نہ کرنے پر پولیس کو چالان اور جرمانے کا حق ہے ہم مانتے ہیں پولیس ہمارے تحفظ کے لیے کام کرتی ہے لیکن وردی کا ہرگز مطلب یہ نہیں کے کسی شہری پر تشدد کرے یا گالی گلوچ سے کام لے۔

Comments

یہ بھی پڑھیں