اسلام آباد : سابق وزیرداخلہ راناثنااللہ کا کہنا ہے کہ نواز شریف کی پاکستان واپسی کے معاملے پرگارنٹی مل چکی ہے، انتخابات کا اعلان ہوتے ہی وہ واپس آئیں۔
تفصیلات کے مطابق سابق وزیرداخلہ راناثناء نے نجی ٹی وی کے پروگرام میں گفتگو کرتے ہوئے کہا کہ نوازشریف کی عدالتوں سے بریت طےہے، اُن کیلئے زیرو رسک ہوچکا ہے، انتخابات کااعلان ہوتےہی نوازشریف آئیں گےاوربری ہوں گے۔
رانا ثنا اللہ نے گفتگو کے دوران کہا کہ آپ اشارتاً جوبات کررہی ہیں،اُدھرسےبھی پکی گارنٹی مل چکی ہے۔
سابق وزیرداخلہ کا کہنا تھا کہ طے ہے سوموٹو نوٹس کے تحت اپیل کا حق ہر قیمت پر دیا جائے گا، اقتدارمیں کوئی بھی آئے سوموٹو اب سوموٹو نہیں رہے گا، ہوسکتا ہے نئی پارلیمنٹ سوموٹوکا اختیار ہی اڑادے۔
انتخابات کے حوالے سے سوال پر لیگی رہنما نے کہا کہ الیکشن کی تاریخ آگےجانےپراسٹیبلشمنٹ آن بورڈ ہے۔
چیئرمین پی ٹی آئی سے متعلق سوال پر جواب میں رانا ثنا اللہ کا کہنا تھا کہ چیئرمین پی ٹی آئی کوعدالتوں سےریلیف ملنا مشکل ہے، ان کےخلاف مقدمات میں ثبوت پکے ہیں۔
