ریاض: سعودی عرب میں استعمال شدہ اشیا کو دوبارہ استعمال کے قابل بنانے اور اس حوالے سے لوگوں میں آگاہی پیدا کرنے کے لیے اہم منصوبہ شروع کیا گیا ہے۔
سعودی ویب سائٹ کے مطابق پیکجنگ جائنٹ ٹیٹرا پیک ری سائیکلنگ کی اہمیت کے بارے میں شعور اجاگر کرنے کے لیے ایک نیا قدم اٹھاتے ہوئے، سعودی عرب کی کمیونٹی کے لیے ری سائیکل ایبل میٹریل کو بہتر استعمال کرنے کی راہ ہموار کرے گا۔
مقامی رپورٹ کے مطابق مملکت نے حالیہ برسوں میں صنعت کاری، آبادی میں اضافے اور تیزی سے اربنائزیشن کا مشاہدہ کیا ہے، اس کی وجہ سے آلودگی اور فضلے کی سطح میں اضافہ ہوا ہے۔
سسٹین ابلیٹی ایڈوکیسی گروپ ایکومینا نے اندازہ لگایا ہے کہ سعودی عرب ہر سال 15 ملین ٹن سے زائد ٹھوس فضلہ پیدا کرتا ہے جبکہ فی کس فضلے کی پیداوار ہر دن تقریباً 1.5 سے 1.8 کلو گرام رہنے کا امکان ہے۔
اس مقصد کے لیے جدہ میں ایک نیا اقدام اٹھایا گیا جس میں استعمال شدہ کارٹن پیکج کو جمع کر کے ان کی ری سائیکلنگ کرنا ہے۔
یہ اقدام دسمبر میں دنیا کی معروف فوڈ پروسیسنگ اور پیکجنگ سلوشنز کمپنی ٹیٹرا پاک نے جدہ میں محمدیہ کے ضلعی ماڈل سینٹر کے ساتھ دسمبر میں شروع کیا تھا، اس اقدام کو الربیع سعودی فوڈز کمپنی اور سعودی ڈیری اینڈ فوڈ کمپنی (سدافکو) کی بھی حمایت حاصل ہے۔
ٹیٹرا پاک سسٹین ابلیٹی مینیجر برائے سعودی عرب حسام ناصر نے عرب نیوز کو بتایا کہ اب وقت آگیا ہے کہ اس طرح کے اقدام کے لیے خاص طور پر ماحولیات پر بڑھتی ہوئی توجہ کو دیکھتے ہوئے مملکت تک اپنا راستہ تیار کریں۔
انہوں نے کہا کہ عام طور پر حالیہ برسوں میں بہت کچھ بدلا ہے، وژن 2030 کے ساتھ چیزیں سسٹین ابلیٹی کے محاذ پر خاص شکل میں ڈھلنا شروع ہو گئی ہیں۔ آگاہی بڑھانے اور شعور کے حصول کے لیے بہت سارے کام کرنے کی ضرورت ہے۔
اس مہم کا مقصد ریاست میں افراد اور کاروبار دونوں کے لیے ری سائیکلنگ کو ایک مناسب اور مؤثر اختیار بنانا ہے، محمدیہ سینٹر جہاں اس پائلٹ نے کام کرنا شروع کیا ہے وہ محلوں میں اس اقدام، اس کے فوائد اور اہمیت کے بارے میں آگاہی پھیلانے کے لیے ذمہ دار ہے۔
اس کے تحت رہائشیوں کی حوصلہ افزائی کی جاتی ہے کہ وہ ری سائیکل ایبل کھانے پینے کے کارٹنز جمع کر کے اور ان کو مخصوص ری سائیکلنگ بنز میں رکھ کر اور ٹیٹرا پیک اور نقہ کی میزبانی میں آگاہی اجلاسوں میں شرکت کریں۔
ٹیٹرا پیک استعمال شدہ کارٹن پیکجز کو اکٹھا کرے گا اور انہیں ریاض میں ری سائیکل کرنے کے لیے بھیجے گا جبکہ البیبی اور سدافکو اپنی مصنوعات کی ایک بڑی تعداد میں حصہ ڈالیں گے۔
