وزارت حج و عمرہ نے داخلی عازمین حج کے لیے رجسٹریشن کا آغاز کرنے کے ساتھ ساتھ پیکیجز متعارف کرادیئے۔
بین الاقوامی خبر رساں ادارے کی رپورٹ کے مطابق سعودی شہری اور مقیم غیر ملکی جو حج کرنے کی اہلیت رکھتے ہیں وہ وزارت کی ویب سائٹ یا نسک ایپ کے ذریعہ رجسٹریشن کراسکتے ہیں۔
وزارت حج وعمرہ کی جانب سے امسال داخلی عازمین حج کے لیے 4 پیکیجز متعارف کرائے ہیں، سب سے سستا پیکیج 4099.75 ریال کا ہے جس میں واٹ شامل ہے۔
دوسرا واٹ سمیت حج پیکیج 8092.55 ریال کا ہے اور تیسرا پیکیج 10366.10 ریال ہے جس میں عازمین کو جدید خیموں میں رہائش کے ساتھ لکژری سروس مہیا کی جائے گی۔
چوتھا اور آخری حج پیکیج واٹ سمیت 13265.25 ریال ہے جس جمرات پل کے قریب منی ٹاور میں رہائش کی سہولت مہیا کی جائے گی۔
دوسری جانب عراق سے 94 ہزار عمرہ زائرین فروری کے پہلے 9 دنوں میں عرعر سرحدی چیک پوسٹ کے راستے سعودی عرب پہنچ گئے۔
بین الاقوامی خبر رساں ادارے کی رپورٹ کے مطابق عراقی عمرہ زائرین 1800 بسوں کے ذریعے مملکت پہنچے جہاں انہیں تمام خدمات فراہم کی جارہی ہیں۔
سعودی عرب: دو خواتین سمیت 5 افراد کو سزائے موت دیدی گئی
عراقی عمرہ زائرین کو رضاکاروں کی مدد سے تمام متعلقہ سرکاری اداروں کی جانب سے سرحدی پوسٹ پر سہولتیں فراہم کی گئی ہیں۔
