The news is by your side.

Advertisement

وزیر اعلیٰ پنجاب کا پیرول پر رہائی پر پابندی ختم کرنے کا فیصلہ

لاہور: وزیر اعلیٰ پنجاب سردار عثمان بزدار نے قیدیوں کو ریلیف دینے کے لیے احسن اقدام کرتے ہوئے پیرول پر رہائی پر عائد پابندی ختم کرنے کا فیصلہ کرلیا۔

تفصیلات کے مطابق پنجاب میں قیدیوں کی پیرول پر رہائی پر عائد پابندی ختم کرنے کا فیصلہ کرلیا گیا۔ پنجاب کی جیلوں سے پختونخواہ کے 400 قیدیوں کو ان کے صوبے میں بھجوانے کی ہدایت کردی گئی۔

وزیر اعلیٰ پنجاب عثمان بزدار کا کہنا ہے کہ قیدیوں کو پختونخواہ بھجوانے کے لیے قواعد کے تحت اقدامات کیے جائیں۔ قیدیوں کو بھی بنیادی انسانی حقوق حاصل ہیں۔

انہوں نے کہا کہ جیلوں کے دورے کر کے قیدیوں کے مسائل سے آگاہی حاصل کر رہا ہوں، قیدیوں کو جیلوں میں جیل مینوئل کے تحت سہولتیں دیں گے۔ خواتین قیدیوں کے بچوں کا ہر طرح سے خیال رکھا جائے گا۔

ذرائع کے مطابق اس وقت پختونخواہ کے 400 قیدی پنجاب کی مختلف جیلوں میں سزائیں کاٹ رہے ہیں، پنجاب کی جیلوں میں قید ان قیدیوں سے ان کے رشتے دار بھی ملنے نہیں آتے۔

Comments

comments

یہ بھی پڑھیں