اسلام آباد: پنجاب حکومت کے ہیلی کاپٹر کے عملے کو افغانستان سے بازیاب کرالیا گیا جبکہ عملے کو اسلام آباد پہنچادیا گیا ہے۔
تفصیلات کے مطابق افغانستان میں کریش لینڈنگ کرنے والے پنجاب حکومت کے ہیلی کاپٹر کا چھ رکنی عملہ اسلام آباد پہنچ گیا ہے، ذرائع کے مطابق افغان طالبان نے پنجاب حکومت کے ہیلی کاپٹر کے روسی نیوی گیٹر سمیت عملے کے تمام چھ ارکان کو رہا کردیا۔
پنجاب حکومت کا ایم آئی 17ہیلی کاپٹر مرمت کی غرض سے روس جارہا تھا۔
مزید پڑھیں : پنجاب حکومت کے ہیلی کاپٹر کی افغانستان میں ہنگامی لینڈنگ، عملے کو طالبان نے پکڑ لیا
پنجاب حکومت کا ایم آئی 17ہیلی کاپٹر چار اگست کو پشاور سے صبح آٹھ بج کر پینتالیس منٹ پر پشاور سے ازبکستان کے شہر بخارا روانہ ہوا ، جہاں پڑاؤ کے بعد ہیلی کاپٹر نے روس پہنچنا تھا ، تاہم ہیلی کاپٹر نے فنی خرابی کے باعث افغان صوبے لوگر میں کریش لینڈنگ کی اور وہاں پر افغان طالبان نے عملے کے تمام ارکان کو یرغما ل بنا لیا تھا اور ہیلی کاپٹر نذر آتش کردیا تھا۔
مزید پڑھیں : افغانستان: ہنگامی لینڈنگ کرنے والے ہیلی کاپٹر کا عملہ بازیاب
ان کی رہائی کیلئے پاک فوج کے سربراہ جنرل راحیل شریف نے امریکی فوج کے سربراہ جنرل نکلسن اور افغان صدر ڈاکٹر اشرف غنی سے رابطے کئے جبکہ بیک ڈور چینل کے ذریعے بھی رہائی کی کوششیں کی گئیں ، جس کے بعد آج عملہ رہا ہوکر اسلام آباد پہنچ گیا۔
مزید پڑھیں : ہیلی کاپٹر کی بازیابی کیلئے آرمی چیف کا امریکی و افغان حکام کو فون
عملے میں میں کرنل ریٹائرڈ شفیق الرحمان ، کرنل ریٹائرڈ صفدر حسین ، کیپٹن ریٹائرڈ صفدر اشرف ، فلائیٹ انجینئر ناصر محمود ، کرئیو چیف محمد کوثر اور سرگئی سیوسیتی نوف شامل ہیں۔
