بجلی کے بھاری  بلوں سے آج کل ہر کوئی پریشان ہی ہے لیکن سائنسدانوں نے یہ مسئلہ حل کرلیا ہے اور ایسے ٹرانسپیرنٹ سولر پینلز تیار کیے ہیں جن کو کسی کھڑکی یا سطح پر لگا کر سورج سے توانائی حاصل کرنا ممکن ہے۔

رپورٹ کے مطابق ایک امریکی کمپنی نے عام افراد کی پریشانی کا سستا حل ڈھونڈ ہی نکالا ہے۔

امریکا کی کمپنی  Ubiquitous  انرجی نے ایسا ٹرانسپیرنٹ سولر پینل تیار کیا ہے جسے کسی بھی جگہ جیسے گھر، دفتر، اپارٹمنٹ، مال میں کھڑکی میں لگا کر استعمال کیا جاسکتا ہے۔

اس ٹرانسپیرنٹ سولر پینلز کو کسی کھڑکی یا سطح پر لگا کر سورج سے توانائی حاصل کرکے مہنگی بجلی سے چھٹکارا حاصل کیا جاسکتا ہے۔

کمپنی کا کہنا ہے کہ یہ کوٹنگ انفراریڈ اور الٹرا وائلٹ روشنی کو جذب کرلیتی ہے جبکہ روشنی کو شیشے کے آرپار گزرنے دیتی ہے۔

ان شفاف سولر پینلز کی اولین آزمائش 2022 میں کی گئی تھی جبکہ اب کمپنی کا خیال ہے کہ 2024 تک یہ شفاف سولر پینلز بڑے پیمانے پر عوام کو دستیاب ہوں گے۔