The news is by your side.

Advertisement

برساتی نالے میں پھنسے جانور کو مزدوروں نے کمال مہارت سے بچالیا، ویڈیو وائرل

سوشل میڈیا پر عام طور پر کچھ ایسی ویڈیوز وائرل ہوتی ہیں جن میں بےحس لوگ جانوروں پر ظلم کرتے نظر آتے ہیں اور اُن بے زبانوں کو شدید اذیت کا نشانہ بھی بناتے ہیں۔

دوسری جانب دنیا میں ایسے لوگ بھی ہیں جو ان بے زبانوں کو اللہ کی زندہ اور سانس لیتی مخلوق سمجھ کر ان کے ساتھ اچھا سلوک کرتے ہیں۔

گزشتہ روز سے سوشل میڈیا پر ایک ایسے زندہ دل مزدوروں کی ویڈیو وائرل ہورہی ہے جنہوں نے ایک کُتے کو برساتی نالے میں ڈوبنے سے بچا کر بہادری اور زندہ دلی کی مثال قائم کردی۔

یہ ویڈیو ٹائمز ناؤ کی جانب سے سماجی رابطے کی ویب سائٹ انسٹا گرام پر شیئر کی گئی جس میں واضح طور پر دیکھا جاسکتا ہے کہ کس طرح ایک مزدور نےبرساتی نالے میں ڈوبتے ہوئے کُتے کی جان بچائی۔

سوشل میڈیا صارفین کی طرف سے ایکواڈور کے مزدوروں کے ایک گروپ کی ایک برساتی نالے میں ڈوبنے والے کتے کو بچانے کے لیے ان کی کوششوں کی تعریف کی گئی ہے۔

 

View this post on Instagram

 

A post shared by Times Now (@timesnow)

ویڈیو میں دیکھا جاسکتا ہے کہ مزدور بہت ہوشیاری سے برساتی نالے میں ڈوبتے کتے کو بچانے کے لیے زمین کھودنے والی مشینری کا استعمال کر رہے ہیں۔

ایکوا ڈور کے علاقے پاساجے کینٹن میں ایک آبپاشی چینل کے قریب کام کرنے والے مزدوروں کو ایک ریڈیو پیغام موصول ہوا کہ ایک کتا برساتی نالے میں تیزی سے بہتا ہوا آرہا ہےجس پر انہوں نے فوری ایکشن لیا۔

مزدوروں میں سے ایک شخص جس کی شناخت ایبل موریلو کے نام سے ہوئی ہے نے کوئی وقت ضائع نہیں کیا اور ایک زمین کھودنے والی بڑی سی مشین پر چڑھ گیا۔

کتے کے نظر آنے پر مزدور نے اس کی توجہ حاصل کرنے کے لیے کتے کو پکارنا اور سیٹیاں بجانا شروع کردیں جیسے ہی کتا قریب آیا مزدور پہلی ہی کوشش میں کتے کو پکڑنے میں کامیاب ہوگیا اور اس کے دیگر ساتھیوں نے کتے کو بحفاظت برساتی نالے سے باہر نکال لیا۔

مزدور نے میڈیا کو بتایا کہ یہ کتا تیز بہتے ریلے میں تقریباً بہہ جانے ہی والا تھا کہ میں نے کتے کو مظبوطی سے پکڑ لیا اس دوران اس نے مجھے کاٹ بھی لیا تھا لیکن صرف ہلکے سے کاٹا تھا۔

خبر کے مطابق کتے کو ریسکیو کرنے کے بعد مزدوورں نے کتے کو ڈاکٹر کے پاس لے جانے کے لیے کچھ رقم جمع کی۔ کتے کا علاج سوزش اور انفیکشن کے لیے کیا گیا تھا۔

Comments

یہ بھی پڑھیں