کراچی : گلشن معمار کے علاقے میں رہائشی عمارت ٹیڑھی ہو گئی، ریسکیواہلکار کا کہنا ہے 4 منزلہ عمارت کسی وقت بھی گر سکتی ہے۔
تفصیلات کے مطابق کراچی میں گلشن معمارکے علاقے میں رہائشی عمارت ٹیڑھی ہو گئی، جس کے باعث عمارت کا کچھ حصہ اور سامان گرنے لگا ہے۔
ریسکیو ٹیمیں موقع پر پہنچ گئی ہیں، متاثرہ عمارت سےکچھ حصہ گرنےسے 2افرادزخمی بھی ہوگئے ہیں، ریسکیواہلکار کا کہنا ہے کہ 4 سے 5منزلہ عمارت کسی وقت بھی گر سکتی ہے۔
پولیس کا کہنا ہے کہ ابتدائی اطلاع کے مطابق عمارت زیر تعمیر تھی ، عمارت میں چوکیدار اور دیگر افرادرہائش پذیر تھے تاہم نفری موقع پر پہنچ گئی ،مزید تفصیلات لےرہے ہیں۔
ریسکیوذرائع نے مزید بتایا کہ مزدور ٹیڑھی ہونیوالی زیرتعمیر عمارت میں پھنس گیا ، مزدور کو زیرتعمیر متاثرہ عمارت سے نکالنے کی کوشش جاری ہے۔
کراچی میں غیرقانونی اور غیرمعیاری تعمیرات ایک بڑا مسئلہ ہے جو بہت سے لوگوں کی زندگیوں کو متاثر کرتا ہے۔ اس مسئلے کی وجوہات میں شہری آبادی میں اضافہ، قوانین کی خلاف ورزی، حکومتی اداروں کی نااہلی، رشوت خوری، اور مذہبی اور سماجی دباؤ شامل ہیں۔ اس مسئلے کے اثرات میں زندگیوں کا نقصان، شہری منصوبہ بندی کا بگاڑ، ماحولیاتی آلودگی، اور سماجی عدم استحکام شامل ہیں۔
کراچی میں غیرقانونی اور غیرمعیاری تعمیرات کا مسئلہ پیچیدہ ہے اور اس کے حل کے لیے جامع اقدامات کی ضرورت ہے۔ حکومت، سول سوسائٹی اور عوام سبھی کو اس مسئلے کے حل کے لیے مل کر کام کرنا ہوگا۔ اس مسئلے کے حل کے لیے قوانین کی سختی، حکومتی اداروں کی کارکردگی میں بہتری، شفافیت، عوام کی آگاہی، اور متبادل رہائش کے انتظامات کی ضرورت ہے۔
