The news is by your side.

Advertisement

رکشہ گینگ سے جڑے 2 انتہائی مطلوب ملزمان فوٹیج کی مدد سے گرفتار

کراچی: شہر قائد کے علاقے فیروزآباد کی پولیس نے رکشہ گینگ سے جڑے 2 انتہائی مطلوب ملزمان کو گرفتار کر لیا۔

اے آر وائی نیوز کے مطابق کراچی ماڈل تھانہ فیروزآباد نے ایک کارروائی میں دو انتہائی مطلوب ملزمان گرفتار کر لیے، ملزمان کا تعلق رکشہ گینگ سے ہے، ملزمان کو خفیہ اطلاع پر رکشے سمیت گرفتار کیا گیا۔

ایس ایس پی ایسٹ ساجد سدوزئی کا کہنا ہے کہ ملزمان کو ایک سی سی ٹی وی فوٹیج کی مدد سے گرفتار کیا گیا ہے، ملزمان میں عمر اور جنید احمد شامل ہیں، یہ ملزمان رکشے میں جرائم کی وارداتیں کیا کرتے تھے۔

رکشہ گینگ کے ملزمان عمر اور جنید احمد

ساجد سدوزئی کا کہنا تھا کہ گرفتار ملزمان عادی جرائم پیشہ ہیں، یہ کراچی کے علاقوں بہادرآباد، گلشن، فیروزآباد اور دیگر جگہوں پر وارداتیں کر چکے ہیں، ملزمان سے چھینی ہوئی رقم ، اسلحہ اور موبائل فون بھی برآمد کیے گئے ہیں۔

پندرہ دن قبل ہونے والی واردات کی سی سی ٹی وی فوٹیج، جس کی مدد سے پولیس نے ملزمان کو گرفتار کیا

معلوم ہوا ہے کہ مذکورہ ملزمان وارداتوں کے لیے رکشے کا استعمال کر رہے تھے، راہ گیروں کو لوٹ کر رکشے میں فرار ہو جاتے تھے، 15 دن قبل ایسی ہی ایک واردات کی سی سی ٹی وی فوٹیج کی مدد سے پولیس نے آخر کار دونوں کو گرفتار کر لیا۔

fb-share-icon0
Tweet 20

Comments

comments

یہ بھی پڑھیں