ماہرین کا کہنا ہے کہ ہم اپنے دماغ کو جتنا زیادہ کام کرنے پر مجبور کریں گے اتنا ہی وہ فعال ہوتا جائے گا۔ کم کام کرنے والا دماغ آہستہ آہستہ سست اور غیر فعال ہوتا جاتا ہے جس کا نتیجہ غائب دماغی کی صورت میں نکلتا ہے۔
دماغ کو فعال کرنے کے لیے ماہرین چھوٹی چھوٹی مشقیں بتاتے ہیں جن میں سب سے آسان مشق حساب کے سوالات حل کرنا یا کوئی پہیلی بوجھنا ہے۔
اسی لیے ہم آپ کے دماغ کی ورزش کے لیے آج آپ کو ایک قتل کا کیس بتا رہے ہیں، جس میں قاتل کو پکڑنے کے لیے پولیس کی مدد کرنی ہے۔
امریکا میں 4 دوست باقاعدگی سے سوانا (بھاپ) باتھ لینے کے لیے آتے ہیں، جب بھی وہ یہاں آتے ہیں ان کے ساتھ کچھ نہ کچھ سامان ضرور ہوتا ہے۔
جیک ایک موسیقار ہے جو موسیقی سننے کے لیے اپنے ساتھ آئی پوڈ لاتا ہے۔ اسٹیو ایک بینکر ہے جو اپنے ساتھ صرف پانی یا جوس کا تھرماس لے کر آتا ہے۔ پیٹرک اور مائیکل وکیل ہیں جو اپنے ساتھ عدالتی دستاویزات لے کر آتے ہیں تاکہ انہیں پڑھا جائے۔
ایک دن پولیس کو اطلاع ملتی ہے کہ ان میں سے ایک دوست پیٹرک قتل ہوچکا ہے، پولیس جائے وقوع پر پہنچ کر تینوں دوستوں کو زیر تفتیش لے لیتی ہے۔
پیٹرک کا قتل ایک تیز دھار آلے سے کیا گیا ہے لیکن پولیس کو وہاں ایسی کوئی شے نہیں ملتی۔ کیا آپ اصل قاتل تک پہنچنے میں پولیس کی مدد کرسکتے ہیں؟
⬇
⬇
⬇
⬇
⬇
⬇
⬇
⬇
⬇
⬇
⬇
اگر نہیں تو ہم آپ کی اور پولیس کی مدد کیے دیتے ہیں۔
⬇
⬇
⬇
⬇
⬇
⬇
⬇
⬇
⬇
قاتل دراصل اسٹیو ہے جو اپنے تھرماس میں تیز دھار برف ڈال کر لے آیا اور قتل کے بعد واپس اس ٹکڑے کو تھرماس میں ڈال دیا، جب تک پولیس پہنچی برف کا تیز دھار ٹکڑا پانی میں پگھل چکا تھا۔
