رپورٹر: عدنان راجپوت
کراچی: شہر قائد کے علاقے ایف بی ایریا، بلاک 9، گلشن شمیم میں کپڑوں کے آؤٹ لیٹ پر ڈکیتی کی واردات ہوئی، جس کی فوٹیج اے آر وائی نیوز نے حاصل کر لی ہے۔
تفصیلات کے مطابق کراچی کے علاقے فیڈرل بی ایریا میں گلشن شمیم پر گارمنٹس کے ایک آؤٹ لیٹ کے اندر لٹیروں نے لوٹ مار کی اور بہ آسانی فرار ہو گئے۔
اس واقعے کی سی سی ٹی وی فوٹیج میں 2 لٹیروں کو آؤٹ لیٹ میں داخل ہوتے دیکھا جا سکتا ہے، سر پر ٹوپی پہنے باریش لٹیرا اپنے ساتھی سمیت آؤٹ لیٹ میں داخل ہوا۔
باریش لٹیرے نے اندر داخل ہونے والے ایک گاہک کو پستول دکھا کر لوٹا، اور پھر دونوں لٹیروں نے کیش کاؤنٹر سے نقدی لوٹی، اور بہ آسانی فرار ہو گئے۔
Comments
- Advertisement -
